క్షేత్ర క్షేత్రజ్ఞ విభాగ యోగము శ్లోక 31-35

యదా భూతపృథగ్భావం ఏకస్థ మనుపశ్యతి/

తత్ ఏవ చ విస్తారం బ్రహ్మ సంపద్యతే తదా//31//

అనాదిత్వాన్నిర్గుణత్వాత్ పరమాత్మాఽయ మవ్యయః/

శరీరస్థోఽపి కౌంతేయ!న కరోతి న లిప్యతే//32//

యథా సర్వగతం సౌక్ష్మ్యాత్ ఆకాశం నోపలిప్యతే/

సర్వత్రావస్థితో దేహే తథాఽఽత్మా నోపలిప్యతే//33//

యథా ప్రకాశయత్యేకః కృత్స్నం లోకమిమం రవిః/

క్షేత్రం క్షేత్రీ తథాకృత్స్నం ప్రకాశయతి భారత//34//

క్షేత్రక్షేత్రజ్ఞయో రేవం అంతరం జ్ఞానచక్షుషా/

భూతప్రకృతిమోక్షం చ యే విదుర్యాంతి తే పరమ్//35//

ఓం తత్సదితి శ్రీభగవద్గీతాసూపనిషత్సు బ్రహ్మవిద్సాయాం యోగశాస్త్రే శ్రీకృష్ణార్జున సంవాదే క్షేత్ర క్షేత్రజ్ఞ విభాగ యోగో నామ త్రయోదశోఽధ్యాయః॥

క్షేత్ర క్షేత్రజ్ఞ విభాగ యోగము...శ్లోక 21-30

కార్య కారణ కర్తృత్వే హేతుః ప్రకృతిరుచ్యతే/

పురుషః సుఖదుఃఖానాం భోక్తృత్వే హేతు రుచ్యతే//21//

పురుషః ప్రకృతిస్థో హి భుంక్తే ప్రకృతి జాన్ గుణాన్/

కారణం గుణసంగోఽస్య సదసద్యోని జన్మసు//22//

ఉపద్రష్టానుమన్తా చ భర్తా భోక్తా మహేశ్వరః/

పరమాత్మేతి చాప్యుక్తో దేహేఽస్మిన్ పురుషః పరః//23//

య ఏవం వేత్తి పురుషం ప్రకృతిం చ గుణైస్సహ/

సర్వథా వర్తమానోఽపి న స భూయోఽభిజాయతే//24//

ధ్యానేనాత్మని పశ్యంతి కేచి దాత్మాన మాత్మనా/

అన్యే సాంఖ్యేన యోగేన కర్మయోగేన చాపరే//25//

అన్యే త్వేవమజానంతః శ్రుత్వాఽన్యేభ్య ఉపాసతే/

తేఽపి చాతితరంత్యేవ మృత్యుం శ్రుతిపరాయణాః//26//

యావత్సంజాయతే కించిత్ సత్త్వం స్థావర జంగమమ్/

క్షేత్ర క్షేత్రజ్ఞ సంయోగాత్ తద్విద్ధి భరతర్షభ //27/ 

సమం సర్వేషు భూతేషు తిష్ఠంతం పరమేశ్వరమ్/

వినశ్యత్స్వవినశ్యంతం యః పశ్యతి స పశ్యతి//28//

సమం పశ్యన్ హి సర్వత్ర సమవస్థిత మీశ్వరమ్/

న హినఽస్త్యాత్మనాఽత్నానం తతో యాతి పరాం గతిమ్//29//

ప్రకృత్యైవ చ కర్మాణి క్రియమాణాని  సర్వశః/

యం పశ్యతి తథాఽఽత్మానం అకర్తారం స పశ్యతి//30//

క్షేత్ర క్షేత్రజ్ఞ విభాగ యోగము. శ్లోక. 12-20

అధ్యాత్మ జ్ఞాననిత్యత్వం తత్త్వజ్ఞానార్థ దర్శనమ్/

ఏతద్ జ్ఞానమితి ప్రోక్తమ్ అజ్ఞానం యదతోఽన్యథా//12//

జ్ఞేయం యత్తత్ ప్రవక్ష్యామి యద్ జ్ఞాత్వామృతమశ్నుతే/

అనాదిమత్పరం బ్రహ్మ న సత్తన్నాసదుచ్యతే//13//

సర్వతః పాణిపాదం తత్ సర్వతోఽక్షి శిరోముఖమ్/

సర్వతః శ్రుతిమల్లోకే సర్వమావృత్య తిష్ఠతి//14//

సర్వేంద్రియ గుణాభాసం సర్వేంద్రియ వివర్జితమ్/

అసక్తం సర్వభృచ్చైవ నిర్గుణం గుణభోక్తృ చ//15//

బహిరంతశ్చ భూతానామ్ అచరం చరమేవ చ/

సూక్ష్మత్వాత్ తదవిజ్ఞేయం దూరస్థం చాంతికే చ తత్//16//

అవిభక్తం చ భూతేషు విభక్తమివ చ స్థితమ్/

భూతభర్తృ త తత్ జ్ఞేయం గ్రసిష్ణు ప్రభవిష్ణు చ//17//

జ్యోతిషామపి తజ్జ్యోతిః తమసః పరముచ్యతే/

జ్ఞానం జ్ఞేయం జ్ఞానగమ్యం హృది సర్వస్య విష్ఠితమ్//18//

ఇతి క్షేత్రం తథా జ్ఞానం జ్ఞేయం చోక్తం సమాసతః/

మద్భక్త ఏతద్విజ్ఞాయ మద్భావాయోపపద్యతే//19//

ప్రకృతిం పురుషం చైవ విద్ధ్యనాదీ ఉభావపి/

వికారాంశ్చ గుణాంశ్చైవ విద్ధి ప్రకృతి సంభవాన్//20//

క్షేత్ర-క్షేత్రజ్ఞ విభాగ యోగము. ..త్రయోదశోఽధ్యాయము ..శ్లోక 1-11

అర్జున ఉవాచ...

ప్రకృతిం పురుషం చైవ క్షేత్రం క్షేత్రజ్ఞ మేవ చ/

ఏత ద్వేదితు మిచ్ఛామి జ్ఞానం జ్ఞేయం చ కేశవ//1//

శ్రీ భగవానువాచ..

ఇదం శరీరం కౌంతేయ క్షేత్రమిత్యభిధీయతే/

ఏతద్యో వేత్తి తం ప్రాహుః క్షేత్రజ్ఞ ఇతి తద్విదః//2//

క్షేత్రజ్ఞం చాపి మాం విద్ధి సర్వక్షేత్రేషు భారత/

క్షేత్రక్షేత్రజ్ఞయోః జ్ఞానం యత్తద్ జ్ఞానం మతం మమ//3//

తత్ క్షేత్రం యచ్చ యాదృక్చ యద్వికారి యతశ్చ యత్/

స చ యో యత్ప్రభావశ్చ తత్సమాసేన మే శృణు//4//

ఋషిభిర్బహుదా గీతం ఛందోభిర్విధైః పృథక్/

బ్రహ్మసూత్ర పదైశ్చైవ హేతుమద్భిర్వినిశ్చితైః//5//

మహాభూతాన్యహంకారో బుద్ధిరవ్యక్తమేవ చ/

ఇంద్రియాణి దశైకం చ పంచ చేంద్రియగోచరాః//6//

ఇచ్ఛా ద్వేషః సుఖం దుఃఖం సంఘాతశ్చేతనా ధృతిః/

ఏతత్ క్షేత్రం సమాసేన సవికారముదాహృతమ్//7//

అమానిత్వమదంభిత్వమ్ అహింసా క్షాంతిరార్జవమ్/

ఆచార్యోపాసనం శౌచం స్థైర్యమాత్మవినిగ్రహః//8//

ఇంద్రియార్థేషు వైరాగ్యమ్ అనహంకార ఏవ చ/

జన్మ మృత్యు జరావ్యాధి దుఃఖదోషానుదర్శనమ్//9//

అసక్తిరనభిష్వంగః పుత్రదారగృహాదిషు/

నిత్యం చ సమచిత్తత్వమ్ ఇష్టానిష్టోపపత్తిషు//10//

మయి చానన్యయోగేన భక్తిరవ్యభిచారిణీ/

వివిక్తదేశసేవిత్వమ్ అరతిర్జనసంసది//11//

భక్తి యోగము. శ్లోక11-20

అథైతదప్యశక్తోఽసి కర్తుం మద్యోగమాశ్రితః/

సర్వకర్మ ఫలత్యాగం తతః కురు యతాత్మవాన్//11//

శ్రేయో హి జ్ఞానమభ్యాసాత్ జ్ఞానాద్ధ్యానం విశిష్యతే/

ధ్యానాత్ కర్మఫలత్యాగః త్యాగాత్ శాంతిరనంతరమ్//12//

అద్వేష్టా సర్వభూతానాం మైత్రః కరుణ ఏవ చ/

నిర్మమో నిరహంకారః సమదుఃఖసుఖః క్షమీ//13//

సంతుష్టస్సతతం యోగీ యతాత్మా దృఢనిశ్చయః/

మయ్యర్పిత మనోబుద్ధిః యో మద్భక్తస్స మే ప్రియః//14//

యస్మాన్నోద్విజతే లోకో లోకాన్నోద్విజతే చ యః/

హర్షమర్షభయోద్వేగైః ముక్తో యః స చ మే ప్రియః//15//

అనపేక్షః శుచిర్దక్షః ఉదాసినో గతవ్యథః/

సర్వారంభపరిత్యాగీ యో మద్భక్తస్స మే ప్రియః//16//

యో న హృష్యతి న ద్వేష్టి న శోచతి న కాంక్షతి/

శుభాశుభపరిత్యాగీ భక్తిమాన్ యస్స మే ప్రియః//17//

సమశ్శత్రౌ చ మిత్రే చ తథా మానావమానయోః/

శీతోష్ణసుఖధుఃఖేషు సమస్సంగ వివర్జితః//18//

తుల్యనిందాస్తుతిర్మౌనీ సంతుష్టో యేన కేనచిత్/

అనికేతః స్థిరమతిః భక్తిమాన్ మే ప్రియో నరః//19//

యే తు ధర్మ్యామృతమిదం యథోక్తం పర్యుపాసతే/

శ్రద్ధధానా మత్పరమా భక్తాస్తేఽతీవ మే ప్రియాః//20//

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జునసంవాదే భక్తియోగో నామ ద్వాదశోఽధ్యాయః॥

భక్తి యోగము...ద్వాదశోఽధ్యాయము...శ్లోక 1-10

అర్జున ఉవాచ..

ఏవం సతత యుక్తా యే భక్తాస్త్వాం పర్యుపాసతే/

యే చాప్యక్షరమవ్యక్తం తేషాం కే యోగవిత్తమాః//1//

శ్రీ భగవానువాచ..

మయ్యా వేశ్య మనో యే మాం నిత్యయుక్తా ఉపాసతే/

శ్రద్ధయా పరయోపేతాః తే మే యుక్తతమా మతాః//2//

యే త్వక్షరమనిర్దేశ్యమ్ అవ్యక్తం పర్యుపాసతే/

సర్వత్రగమచింత్యం చ కూటస్థమచలం ధృవమ్//3//

సంనియమ్యేంద్రియగ్రామం సర్వత్ర సమబుద్ధయః/

తే ప్రాప్నువంతి మామేవ సర్వభూతహితే రతాః//4//

క్లేశోఽధికతరస్తేషామ్ అవ్యక్తాసక్తచేతసామ్/

అవ్యక్తాహి గతిర్దుఃఖం దేహవద్భిరవాప్యతే//5//

యే తు సర్వాణి కర్మాణి మయి సన్న్యస్య మత్పరాః/

అనన్యేనైవ యోగేన మాం ధ్యాయంత ఉపాసతే//6//

తేషామహం సముద్ధర్తా మృత్యుసంసార సాగరాత్/

భవామి నచిరాత్ పార్థ మయ్యావేశితచేతసామ్//7//

మయ్యేవ మన ఆధత్స్వ మయి బుద్ధిం నివేశయ/

నివసిష్యసి మయ్యేవ అతఊర్థ్వం న సంశయః//8//

అథ చిత్తం సమాధాతుం న శక్నోషి మయి స్థిరమ్/

అభ్యాసయోగేన తతో మామిచ్ఛాప్తుం ధనంజయ//9//

అభ్యాసేఽప్యసమర్థోఽసి మత్కర్మ పరమోభవ/

మదర్థమపి కర్మాణి కుర్వన్ సిద్ధిమవాప్స్యసి//10//

విశ్వరూప సందర్శన యోగము. శ్లోక 50-55

సంజయ ఉవాచ..

ఇత్యర్జునం వాసుదేవస్తథోక్త్వా స్వకం రూపం దర్శయామాస భూయః/

ఆశ్వాసయామాస చ భీతమేనం భూత్వా పునః సౌమ్యవపుర్మహాత్మా//50//

అర్జున ఉవాచ..

దృష్ట్వేదం మానుషం రూపం తవ సౌమ్యం జనార్దన/

ఇదానీమస్మి సంవృత్తః సచేతాః ప్రకృతిం గతః//51//

శ్రీ భగవానువాచ..

సుదుర్దర్శమిదం రూపం దృష్టవానసి యన్మమ/

దేవా అప్యస్య రూపస్య నిత్యం దర్శనకాంక్షిణః//52//

నాహం వేదైర్న తపసా న దానేన న చేజ్యయా/

శక్య ఏవం విధో ద్రష్టుం దృష్టవానసి మాం యథా//53//

భక్త్యా త్వనన్యయా శక్య అహమేవం విధోఽర్జున/

జ్ఞాతుం ద్రష్టుం చ తత్త్వేన ప్రవేష్టుం చ పరంతప//54//

మత్కర్మకృత్,మత్పరమో మద్భక్తః సంగవర్జితః/

నిర్వైరః సర్వభూతేషు యస్స మామేతి పాండవ//55//

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జున సంవాదే విశ్వరూప సందర్శన యోగో నామ ఏకాదశోఽధ్యాయః॥

విశ్వరూప సందర్శన యోగము. శ్లోక 41-49

సఖేతి మత్వా ప్రసభం యదుక్తం హే కృష్ణ! హే యాదవ! హే సఖేతి!

అజానతా మహిమానం తవేదం మయా ప్రమాదాత్ ప్రణయేన వాపి//41//

యచ్చాపహాసార్థమసత్కృతోఽసి విహారశయ్యాసన భోజనేషు/

ఏకోఽథ వాప్యచ్యుత తత్సమక్షం తత్ క్షామయే త్వామహమప్రమేయమ్//42//

పితాఽసి లోకస్య చరాచరస్య త్వమస్య పూజ్యశ్చ గురుర్గరీయాన్/

న త్వత్సమోఽస్త్యభ్యధికః కుతోఽన్యో లోకత్రయేఽప్య ప్రతిమప్రభావ//43//

తస్మాత్ ప్రణమ్య ప్రణిధాయ కాయం ప్రసాదయే త్వామహమీశమీడ్యమ్/

పితేవ పుత్రస్య సఖేవ సఖ్యుః ప్రియః ప్రియాయార్హసి దేవ సోఢుమ్//44//

అదృష్టపూర్వం హృషితోఽస్మి దృష్ట్వా భయేన చ ప్రవ్యథితం మనో మే/

తదేవ మే దర్శయ దేవరూపం ప్రసీద దేవేశ జగన్నివాస//45//

కిరీటినం గదినం చక్రహస్తమ్ ఇచ్ఛామి త్వాం ద్రష్టుమహం తథైవ/

తేనైవ రూపేణ చతుర్భుజేన సహస్రబాహో!భవవిశ్వమూర్తే! //46//

శ్రీ భగవానువాచ...

మయా ప్రసన్నేన తవార్జునేదం రూపం పరం దర్శితమాత్మ యోగాత్/

తేజోమయం విశ్వమనంతమాద్యం యన్మే త్వదన్యేన న దృష్టపూర్వమ్//47//

న వేద యజ్ఞాధ్యయనైర్న దానైః న చ క్రియాభిర్న తపోభిరుగైః/

ఏవంరూపః శక్య అహం నృలోకే ద్రష్టుం త్వదన్యేన కురుప్రవీర//48//

మా తే వ్యథా మా చ విమూఢభావో దృష్ట్వా రూపం ఘోరమీదృఙ్మమేదమ్/

వ్యపేతభీః ప్రీతమనాః పునస్త్వం తదేవ మే రూపమిదం ప్రపశ్య//49//

విశ్వరూప సందర్శన యోగము శ్లోక 31-40

అఖ్యాహి మే కో భవానుగ్రరూపో నమోఽస్తు తే దేవవర ప్రసీద/

విజ్ఞాతు మిచ్ఛామి భవంతమాద్యం న హి ప్రజానామి తవ ప్రవృత్తిమ్//31//

శ్రీ భగవానువాచ....

కాలోఽస్మి లోకక్షయకృత్ ప్రవృద్ధో లోకాన్ సమాహర్తు మిహ ప్రవృత్తః/

ఋతేఽపి త్వాం న భవిష్యంతి సర్వే యేఽవస్థితాః ప్రత్యనీకేషు యోధాః//32//

తస్మాత్ త్వముత్తిష్ఠ యశో లభస్వ జిత్వా శత్రూన్ భుంక్ష్య రాజ్యం సమృద్ధమ్/

మయైవైతే నిహతాః పూర్వమేవ నిమిత్తమాత్రం భవ సవ్యసాచిన్//33//

ద్రోణం చ భీష్మం చ జయద్రథం చ కర్ణం తథాన్యానపి యోధవీరాన్/

మయా హతాంస్త్వం జహి మా వ్యథిష్ఠా యుధ్వస్వ జేతాసి రణే సపత్నాన్//34//

సంజయ ఉవాచ..

ఏతచ్ఛుృత్వా వచనం కేశవయ్య కృతాంజలిర్వేపమానః కిరీటీ/

నమస్కృత్వా భూయ ఏవాహ కృష్ణం సగద్గదం భీతభీతః ప్రణమ్య//35//

అర్జున ఉవాచ..

స్థానం హృషీకేశ తవ ప్రకీర్త్వా జగత్పృహృష్యత్యనురజ్యతే చ/

రక్షాంసి భీతాని దిశో ద్రవంతి సర్వే నమస్యన్తి చ సిద్ధసంఘాః//36//

కస్మాచ్చ తే న నమేరన్ మహాత్మన్ గరీయసే బ్రహ్మణోఽప్యాదికర్తృే/

అనంత దేవేశ జగన్నివాస త్వమక్షరం సదసత్తత్పరం యత్//37//

త్వమాదిదేవః పురుషః పురాణః త్మమస్య విశ్వస్య పరం నిధానమ్/

వేత్తాసి వేద్యం చ పరం చ ధామ త్వయా తతం విశ్వమనంతరూప//38//

వాయుర్యమోఽగ్నిర్వరుణ శ్శశాంకః ప్రజాపతిస్త్వం ప్రపితామహశ్చ/

నమో నమస్తేఽస్తు సహస్రకృత్వః పునశ్చ భూయోఽపి నమో నమస్తే//39//

నమః పురస్తాదథ పృష్ఠతస్తే నమోఽస్తు తే సర్వత ఏవ సర్వ/

అనంతవీర్యామితవిక్రమస్త్వం సర్వం సమాష్నోషి తతోఽసి సర్వః//40//

విశ్వరూపసందర్శన యోగము. శ్లోక 21-30

అమీ హి త్వాం సురసంఘా విశంతి కేచిద్భీతాః ప్రాంజలయో గృణంతి/

స్వస్తీత్యుక్త్యా మహర్షి సిద్ధసంఘాః స్తువంతి త్వాం స్తుతిభిః పుష్కలాభిః//21//

రుద్రాదిత్యా వసవో యే చ సాధ్యా విశ్వేఽశ్వినౌ మరుతశ్చోష్మపాశ్చ/

గంధర్వ యక్షాసురసిద్ధసంఘాః వీక్షంతే త్వాం విస్మితాశ్చైవ సర్వే//22//

రూపం మహత్తే బహువక్త్రనేత్రం మహాబాహో బహుబాహూరుపాదమ్/

బహూదరం బహు దంష్ట్రాకరాలం దృష్ట్వా లోకాః ప్రవ్యథితాస్తథాఽహమ్//23// 

నభఃస్పృశం దీప్తమనేకవర్ణం వ్యాత్తాననం దీప్త విశాల నేత్రమ్/

దృష్ట్వా హి త్వాం ప్రవ్యథితాంతరాత్మా ధృతిం న విందామి శమం చ విష్ణో!//24//

దంష్ట్రాకరాలాని చ తే ముఖాని దృష్ట్వైవ కాలానలసన్నిభాని/

దిశో న జానే న లభే చ శర్మ ప్రసీద దేవేశ జగన్నివాస//25//

అమీ చ త్వాం ధృతరాష్ట్రస్య పుత్రాః సర్వే సహైవావనిపాల సంఘైః/

భీష్మ ద్రోణః సూతపుత్రస్తథాఽసౌ సహాస్మదీయైరపి యోధముఖ్యైః//26//

వక్త్రాణి తే త్వరమాణా విశంతి దంష్ట్రాకరాలాని భయానకాని/

కేచిద్విలగ్నా దశనాంతరేషు సందృశ్యంతే చూర్ణితైరుత్తమాంగైః//27//

యథా నదీనాం బహవోఽమ్బువేగాః సముద్రమేవాభి ముఖా ద్రవంతి/

తథా తవామీ నరలోకవీరా విశంతి వక్తృాణ్యభి విజ్వలంతి//28//

యథా ప్రదీప్తం జ్వలనం పతంగాః విశంతి నాశాయ సమృద్ధవేగాః/

తథైవ నాశాయ విశంతి లోకాః తవాపి వక్త్రాణి సమృద్ధవేగాః//29//

లేలిహ్యసే గ్రసమానః సమంతాత్ లోకాన్ సమగ్రాన్ వదనైర్జ్వలద్భిః/

తేజోభిరాపూర్య జగత్సమగ్రం భాసస్తవోగ్రాః ప్రతపంతి విష్ణో//30//

విశ్వరూప సందర్శన యోగము. శ్లోక 10-20

అనేకవక్త్ర నయనమ్ అనేకాద్భుత దర్శనమ్/

అనేక దివ్యాభరణం దివ్యానేకోద్యతాయుధమ్//10//

దివ్యమాల్యాంబరధరం దివ్యగంధానులేపనమ్/

సర్వాశ్చర్యమయం దేవమ్ అనంతం విశ్వతో ముఖమ్//11//

దివి సూర్య సహస్రస్య భవేద్యుగపదుత్థితా/

యది భాః సదృశీ సా స్యాత్,భాసస్తస్య మహాత్మనః//12//

తత్త్రైకస్థం జగత్ కృత్స్నం ప్రవిభక్త మనేకధా/

అపశ్యద్దేవదేవస్య శరీరే పాండవస్తదా//13//

తతః స విస్మయా విష్టో హృష్టరోమా ధనంజయః/

ప్రణమ్య శిరసా దేవం కృతాంజలిరభాషత//14//

అర్జున్ ఉవాచ..

పశ్యామి దేవాంస్తవ దేవ దేహే సర్వాం స్తథా భూతవిశేషసంఘాన్/

బ్రహ్మాణమీశం కమలాసనస్థమ్ ఋషీంశ్చ సర్వానురగాంశ్చ దివ్యాన్//15//

అనేక బాహూదరవక్త్రనేత్రం పశ్యామి త్వాం సర్వతోఽనంతరూపమ్/

నాంతం న మధ్యం న పునస్తవాదిం పశ్యామి విశ్వేశ్వర విశ్వరూప//16//

కిరీటినం గదినం చక్రిణం చ తేజోరాశిం సర్వతో దీప్తిమంతమ్/

పశ్యామి త్వాం దుర్నిరీక్ష్యం సమంతాత్ దీప్తానలార్క ద్యుతిమప్రమేయమ్//17/ 

త్వమక్షరం పరమం వేదితవ్యం త్వమస్య విశ్వస్య పరం నిధానమ్/

త్వమవ్యయః శాశ్వత ధర్మగోప్తా సనాతనస్త్వం పురుషోత్తం మతో మే//18//

అనాదిమధ్యాంతమనంత వీర్యమ్ అనంత బాహుం శశిసూర్య నేత్రమ్/

పశ్యామి త్వాం దీప్తహుతాశవక్త్రం స్వతేజసా విశ్వమిదం తపంతమ్//19//

ద్యావా పృథివ్యోరిదమంతరం హి వ్యాప్తం త్వయైకేన దిశశ్చ సర్వాః/

దృష్ట్వాఽద్భుతం రూపముగ్రం తవేదం లోకత్రయం ప్రవ్యథితం మహాత్మన్//20//

ఏకాదశోఽధ్యాయము. విశ్వరూప సందర్శన యోగము. శ్లోక1-9

అర్జున ఉవాచ..

మదనుగ్రహాయ పరమం గుహ్యమధ్యాత్మ సంజ్ఞితమ్/

యత్త్వయోక్తం వచస్తేన మోహోఽయం విగతో మమ//1//

భవాప్యయౌ హి భూతానాం శ్రుతౌ విస్తరశో మయా/

త్వత్తః కమలపత్రాక్ష మాహాత్మ్యమపి చావ్యయమ్//2//

ఏవమేతద్యథాత్థ త్వమ్ ఆత్మానం పరమేశ్వర/

ద్రష్టుమిచ్ఛామి తే రూపమ్ ఐశ్వరం పురుషోత్తమ//3//

మన్యసే యది తచ్ఛక్యం మయా ద్రష్టుమితి ప్రభో/

యోగేశ్వర తతో మే త్వం దర్శయాత్మానమవ్యయమ్//4//

శ్రీ భగవానువాచ..

పశ్య మే పార్థ రూపాణి శతశోఽథ సహస్రశః/

నానా విధాని దివ్యాని నానా వర్ణాకృతీని చ//5//

పశ్యాదిత్యాన్ వసూన్ రుద్రాన్ అశ్వినౌ మరుతస్తథా/

బహూన్యదృష్టపూర్వాణి పశ్యాశ్చర్యాణి భారత//6//

ఇహైకస్థం జగత్కృత్స్నం పశ్యాద్య సచరాచరమ్/

మమ దేహే గుడాకేశ యచ్చాన్యద్దృష్టుమిచ్ఛసి//7//

న తు మాం శక్యసే ద్రష్టుమ్ అనేనైవ స్వచక్షుషా/

దివ్యం దదామి తే చక్షుః పశ్య మే యోగమైశ్వరమ్//8//

సంజయ ఉవాచ..

ఏవముక్త్వా తతో రాజన్ మహాయోగేశ్వరో హరిః/

దర్శయామాస పార్థాయ పరమం రూపమైశ్వరమ్//9//

విభూతి యోగము శ్లోక31-42

పవనః పవతామస్మి రామః శస్త్రభృతామహమ్/

ఝషాణాం మకరశ్చాస్మి స్రోతసామస్మి జాహ్నవీ//31//

సర్గాణామాదిరాంతశ్చ మధ్యం చైవాహమర్జున/

అధ్యాత్మవిద్యా విద్యానాం వాదః ప్రవదతామహమ్//32//

అక్షరాణామకారోఽస్మి ద్వంద్వః సామాసికస్య చ/

అహమేవాక్షయః కాలో ధాతాహం విశ్వతోముఖః//33//

మృత్యుః సర్వహరశ్చాహమ్ ఉద్భవశ్చ భవిష్యతామ్/

కీర్తిః శ్రీర్వాక్చ నారీణాం స్మృతిర్మేధా ధృతిః క్షమా//34//

బృహత్సామ తథా సామ్నాం గాయత్రీ ఛందసామహమ్/

మాసానాం మార్గశీర్షోఽహమ్ ఋతూనాం కుసుమాకరః//35//

ద్యూతం ఛలయతామస్మి తేజస్తే జస్వినామహమ్/

జయోఽస్మి వ్యవసాయోఽస్మి సత్త్వం సత్త్వవతామహమ్//36//

వృష్ణీనాం వాసుదేవోఽస్మి పాండవానాం ధనంజయః/

మునీనామప్యహం వ్యాసః కవీనాముశనా కవిః//37//

దండో దమయతామస్మి నీతిరస్మి జిగీషతామ్/

మౌనం చైవాస్మి గుహ్యానాం జ్ఞానం జ్ఞానవతామహమ్//38//

యచ్చాపి సర్వభూతానాం బీజం తదహమర్జున/

న తదస్తి వినా యత్స్యాత్,మయా భూతం చరాచరమ్//39//

నాంతోఽస్తి మమ దివ్యానాం విభూతీనాం పరంతప/

ఏష తూద్దేశతః ప్రోక్తో విభూతేర్విస్తరో మయా//40//

యద్యద్వి భూతిమత్ సత్త్వం శ్రీమదూర్జితమేవ వా/

తత్త దేవావగచ్చ త్వం మమ తేజోఽంశ సంభవమ్//41//

అథవా బహునైతేన కిం జ్ఞాతేన తవార్జున/

విష్టభ్యాహమిదం కృత్స్నమ్ ఏకాంశేన స్థితో జగత్//42//

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జున సంవాదే విభూతి యోగో నామ దశమోఽధ్యాయః॥

విభూతి యోగము. శ్లోక21-30

ఆదిత్యానామహం విష్ణుః జ్యోతిషాం రవిరంశుమాన్/

మరీచిర్మరుతామస్మి నక్షత్రాణామహం శశీ//21//

వేదానాం సామవేదోఽస్మి దేవానామస్మి వాసవః/

ఇంద్రియాణాం మనశ్చాస్మి భూతానామస్మి చేతనా//22//

రుద్రాణాం శంకరశ్చాస్మి విత్తేశో యక్షరక్షసామ్/

వసూనాం పావకశ్చాస్మి మేరుః శిఖరిణామహమ్//23//

పురోధసాం చ ముఖ్యం మాం విద్ధి పార్థ బృహస్పతిమ్/

సేనానీనామహం స్కందః సరసామస్మి సాగరం//24//

మహర్షీణాం భృగురహం గిరామస్మ్యేకమక్షరమ్/

యజ్ఞానాం జపయజ్ఞోఽస్మి స్థావరాణాం హిమాలయమ//25//

అశ్వత్థః సర్వవృక్షాణాం దేవర్షీణాం చ నారదః/

గంధర్వాణాం చిత్రరథః సిద్ధానాం కపిలో మునిః//26//

ఉచ్చైః శ్రవసమశ్వానాం విద్ధి మామమృతోద్భవమ్/

ఐరావతం గజేంద్రాణాం నరాణాం చ నరాధిపమ్//27//

ఆయుధానామహం వజ్రం ధేనూనామస్మి కామధుక్/

ప్రజనశ్చాస్మి కందర్పః సర్పాణామస్మి వాసుకిః//28//

అనంతశ్చాస్మి నాగానాం వరుణో యాదసామహమ్/

పితృూణామర్యమా చాస్మి యమః సంయమతామహమ్//29//

ప్రహ్లాదశ్చాస్మి దైత్యానాం కాలః కలయతామహమ్/

మృగాణాం చ మృగేంద్రోఽహం వైనతేయశ్చ పక్షిణామ్//30//

విభూతి యోగము. శ్లోక11-20

తేషామేవానుకం పార్థ మహమజ్ఞానజం తమః/

నాశయామ్యాత్మ భావస్థో జ్ఞానదీపేన భాస్వతా//11//

అర్జున ఉవాచ..

పరం బ్రహ్మ పరం ధామ పవిత్రం పరమం భవాన్/

పురుషం శాశ్వతం దివ్యమ్ ఆదిదేవమజం విభుమ్//12//

ఆహుస్త్వామ్ ఋషయః సర్వే దేవర్షిర్నారదస్తథా/

అసితో దేవలో వ్యాసః స్వయం చైవ బ్రవీషి మే//13//

సర్వమేతదృతం మన్యే యన్మాం వదసి కేశవ/

న హి తే భగవన్ వ్యక్తిం విదుర్దేవా న దానవాః//14//

స్వయమేవాత్మనాత్మానం వేత్థ త్వం పురుషోత్తమ/

భూతభావన భూతేశ దేవ దేవ జగత్పతే//15//

వక్తుమర్హస్య శేషేణ దివ్యా హ్యాత్మ విభూతయః/

యాభిర్విభూతిభిర్లోకాన్ ఇమాం స్త్వం వ్యాప్య తిష్ఠసి//16//

కథం విద్యామహం యోగిన్,త్వాం సదా పరిచింతయన్/

కేషు కేషు చ భావేషు చింత్యోఽసి భగవన్ మయా//17//

విస్తరేణాత్మనో యోగం విభూతిం చ జనార్దన/

భూయః కథయ తృప్తిర్హి శృణ్వతో నాస్తి మేఽమృతమ్//18//

శ్రీభగవానువాచ..

హన్త తే కథయిష్యామి దివ్యా హ్యాత్మవిభూతయః/

ప్రాధాన్యతః కురుశ్రేష్ఠ నాస్త్యంతో విస్తరస్య మే//19//

అహమాత్మా గుడాకేశ సర్వభూతాశయస్థితః/

అహమాదిశ్చ మధ్యం చ భూతానామంత ఏవ చ//20//

విభూతి యోగము. ..దశమోఽధ్యాయము...శ్లోక1-10

శ్రీభగవానువాచ

భూయ ఏవ మహాబాహో శ్రుణు మే పరమం వచః/

యత్తేహం ప్రీయమాణాయ వక్ష్యామి హితకామ్యయా//1//

న మే విదుః సురగణాః ప్రభవం న మహర్షయః/

అహమాదిర్హి దేవానాం మహర్షీణాం చ సర్వశః//2//

యో మామజమనాదిం చ వేత్తి లోకమహేశ్వరమ్/

అనమ్మూఢః స మర్త్యేషు సర్వపాపైః ప్రముచ్యతే//3//

బుద్ధిర్ జ్ఞానమసమ్మోహః క్షమా సత్యం దమః శమః/

సుఖం దుఃఖం భవోఽభావో భయం చాభయమేవ చ//4//

అహింసా సమతా తుష్టిః తపో దానం యశోఽయశః/

భవంతి భావా భూతానాం మత్త ఏవ పృథగ్విధాః//5//

మహర్షయః సప్త పూర్వే చత్వారో మనవస్తథా/

మద్భావా మానసా జాతా యేషాం లోక ఇమాః ప్రజాః//6//

ఏతాం విభూతిం యోగం చ మమ యో వేత్తి తత్త్వతః/

సోఽవికంపేన యోగేన యుజ్యతే నాత్ర సంశయః//7//

అహం సర్వస్య ప్రభవో మత్తః సర్వం ప్రవర్తతే/

ఇతి మత్వా భజంతే మాం బుధా భావ సమన్వితాః//8//

మచ్చిత్తా మద్గతప్రాణా బోధయంతః పరస్పరమ్/

కథయంతశ్చ మాం నిత్యం తుష్యంతి చ రమంతి చ//9//

తేషాం సతతయుక్తానాం భజతాం ప్రీతిపూర్వకమ్/

దదామి బుద్ధి యోగం తం యేన మాముపయాంతి తే//10//

రాజవిద్యా రాజగుహ్య యోగము...శ్లోకము21-34

తే తం భుక్త్యా స్వర్గలోకం విశాలం క్షీణే పుణ్యే మర్త్యలోకం విశంతి/
ఏవం త్రయీధర్మ మనుప్రపన్నా గతాగతం కామకామా లభంతే//21//
అనన్యాశ్చింతయంతో మాం యే జనాః పర్యుపాసతే/
తేషాం నిత్యాభియుక్తానాం యోగక్షేమం వహామ్యహమ్//22//
యేఽప్యన్య దేవతా భక్తా యజంతే శ్రద్ధయాన్వవితాః/
తేఽపి మామేవ కౌంతేయ యజంత్యవిధిపూర్వకమ్//23//
అహం హి సర్వయజ్ఞానాం భోక్తా చ ప్రభురేవ చ/
న తు మామభిజానంతి తత్త్వేనాతశ్చ్యవంతి తే//24//
యాంతి దేవవ్రతా దేవాన్ పితృూన్ యాంతి పితృవ్రతాః/
భూతాని యాంతి భూతేజ్యా యాంతి మద్యాజినోఽపి మామ్//25//
పత్రం పుష్పం ఫలం తోయం యో మే భక్త్యా ప్రయచ్ఛతి/
తదహం భక్త్యుపహృతమ్ అశ్నామి ప్రయతాత్మనః//26//
యత్కరోషి యదశ్నాసి యజ్జుహోషి దదాసి యత్/
యత్తపస్యసి కౌంతేయ తత్కురుష్వ మదర్పణమ్//27//
శుభాశుభఫలైరేవం మోక్ష్యసే కర్మబంధనైః/
సన్న్యాసయోగయుక్తాత్మా విముక్తో మాముపైష్యసి//28//
సమోఽహం సర్వభూతేషు న మే ద్వేష్యోఽస్తి న ప్రియః/
యే భజంతి తు మాం భక్త్యా మయి తే తేషు చాప్యహమ్//29//
అపిచేత్ సుదురాచారో భజతే మామనన్యభాక్/
సాధురేవ స మంతవ్యః సమ్యగ్వ్యవసితో హి సః//30//
క్షిప్రం భవతి ధర్మాత్మా శశ్వచ్ఛాంతిం నిగచ్ఛతి/
కౌంతేయ ప్రతిజానీహి న మే భక్తః ప్రణశ్యతి//31//
మాం హి పార్థ వ్యపాశ్రిత్య యేఽపి స్యుః పాపయోనయః/
స్త్రియో వైశ్యాస్తథా శూద్రాః తేఽపి యాంత్రి పరాం గతిమ్//32//
కిం పునర్బ్రాహ్మణాః పుణ్యా భక్తా రాజర్షయస్తథా/
అనిత్యమసుఖం లోకం ఇమం ప్రాప్య భజస్వ మామ్//33//
మన్మనా భవ మద్భక్తో మద్యాజీ మాం నమస్కురు/
మామేవైష్యసి యుక్త్వైవమ్ ఆత్మానం మత్పరాయణః//34//

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జున సంవాదే రాజవిద్యా రాజగుహ్య యోగోనామ నవమోఽధ్యాయః॥

రాజవిద్యా రాజగుహ్య యోగము శ్లోకము11-20

అవజానంతి మాం మూఢా మానుషీం తనుమాశ్రితమ్/
పరం భావమజానంతో మమ భూతమహేశ్వరమ్//11//
మోఘాశా మోఘకర్మాణో మోఘజ్ఞానా విచేతసః/
రాక్షసీ మాసురీం చైవ ప్రకృతిం మోహినీం శ్రితాః//12//
మహాత్మానస్తు మాం పార్థ దైవీం ప్రకృతిమాశ్రితాః/
భజంత్యనన్య మనసో జ్ఞాత్వా భూతాదిమవ్యయమ్//13//
సతతం కీర్తయంతో మాం యతంతశ్చ దృఢవ్రతాః/
నమస్యంతశ్చ మాం భక్త్యా నిత్యయుక్తా ఉపాసతే//14//
జ్ఞానయజ్ఞేన చాప్యన్యే యజంతో మాముపాసతే/
ఏకత్వేన పృథక్త్వేన బహుధా విశ్వతోముఖమ్//15//
అహం క్రతురహం యజ్ఞః స్వధాహమహమౌషధమ్/
మంత్రోఽహమహమేవాజ్యమ్ అహమగ్నిరహం హుతమ్//16//
పితాహమస్య జగతో మాతా ధాతా పితామహః/
వేద్యం పవిత్రమోంకార ఋక్సామయజురేవ చ//17//
గతిర్భర్తా ప్రభుః సాక్షీ నివాసః శరణం సుహృత్/
ప్రభవః ప్రలయః స్థానం నిధానం బీజమవ్యయమ్//18//
తపామ్యహమహం వర్షం నిగృహ్ణామ్యుత్సృజామి చ/
అమృతం చైవ మృత్యుశ్చ సదసచ్చాహమర్జున//19//
త్రైవిద్యా మాం సోమపాః పూత పాపా యజ్ఞైరిష్ట్వా స్వర్గతిం ప్రార్థయంతే/
తే పుణ్య మాసాద్య సురేంద్ర లోకమ్ అశ్నంతి దివ్యాన్ దివి దేవ భోగాన్//20//

నవమోఽధ్యాయము...రాజవిద్యా రాజగుహ్య యోగము శ్లోకము1-10

శ్రీభగవానువాచ...

ఇదం తు తే గుహ్యతమం ప్రవక్ష్యామ్యనసూయవే/

జ్ఞానం విజ్ఞానసహితం యద్ జ్ఞాత్వా మోక్ష్యసేఽశుభాత్//1//

రాజవిద్యా రాజగుహ్యం పవిత్రమిదముత్తమమ్/

ప్రత్యక్షావగమం ధర్మ్యం సుసుఖం కర్తుమవ్యయం//2//

అశ్రద్ధధానాః పురుషా ధర్మస్యాస్య పరంతప/

అప్రాప్య మాం నివర్తంతే మృత్యుసంసారవర్త్మని//3//

మయా తతమిదం సర్వం జగదవ్యక్తమూర్తినా/

మత్ స్థాని సర్వభూతాని న చాహం తేష్వవస్థితః//4//

న చ మత్స్థాని భూతాని పశ్య మే యోగమైశ్వరమ్/

భూతభృన్న చ భూతస్థో మమాత్మా భూతభావనః//5//

యథాకాశస్థితో నిత్యం వాయుః సర్వత్రగో మహాన్/

తథా సర్వాణి భూతాని మత్స్థానీత్యుపధారయ//6//

సర్వ భూతాని కౌంతేయ ప్రకృతిం యాంతి మామికామ్/

కల్పక్షయే పునస్తాని కల్పాదౌ విసృజామ్యహమ్//7//

ప్రకృతిం స్వామవష్టభ్య విసృజామి పునః పునః/

భూతగ్రామమిమం కృత్స్నమ్ అవశం ప్రకృతేర్వశాత్//8//

న చ మాం తాని కర్మాణి నిబధ్నంతి ధనంజయ/

ఉదాసీనవదాసీనమ్ అసక్తం తేషు కర్మసు//9//

మయాధ్యక్షేణ ప్రకృతిః సూయతే సచరాచరమ్/

హేతునానేన కౌంతేయ జగద్విపరివర్తతే//10//

అక్షర పరబ్రహ్మ యోగము శ్లోకము21-28

అవ్యక్తోఽక్షర ఇత్యుక్తః తమాహుః పరమాం గతిమ్/
యం ప్రాప్య న నివర్తంతే తద్ధామ పరమం మమ//21//
పురుషః స పరః పార్థ భక్త్యా లభ్యస్త్వనన్యయా/
యస్యాంతస్థాని భూతాని యేన సర్వమిదం తతమ్//22//
యత్ర కాలే త్వనావృత్తిమ్ ఆవృత్తిం చైవ యోగినః/
ప్రయాతా యాంతి తం కాలం వక్ష్యామి భరతర్షభ//23//
అగ్నిర్జ్యోతిరహః శుక్లః షణ్మాసా ఉత్తరాయణమ్/
తత్ర ప్రయాతా గచ్ఛంతి బ్రహ్మ బ్రహ్మవిదో జనాః//24//
ధూమో రాత్రిస్తథా కృష్ణః షణ్మాసా దక్షిణాయనమ్/
తత్ర చాంద్రమసం జ్యోతిః యోగీ ప్రాప్య నివర్తతే//25/
శుక్లకృష్ణే గతీ హ్యేతే జగతః శాశ్వతే మతే/
ఏకయా యాత్యనావృత్తి మన్యయావర్తతే పునః//26//
నైతే సృతీ పార్థ జానన్ యోగీ ముహ్యతి కశ్చన/
తస్మాత్ సర్వేషు కాలేషు యోగయుక్తో భవార్జున//27//
వేదేషు యజ్ఞేషు తపస్సు చైవ దానేషు యత్పుణ్యఫలం ప్రదిష్టమ్/
అత్యేతి తత్సర్వమిదం విదిత్వా యోగీ పరం స్థానముపైతి చాద్యమ్//28//
ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జునసంవాదే అక్షరపరబ్రహ్మ యోగో నామ అష్టమోఽధ్యాయః॥

అక్షర పరబ్రహ్మ యోగము శ్లోకము11-20

యదక్షరం వేదవిదో వదంతి విశంతి యద్యతయో వీతరాగాః/
యదిచ్ఛంతో బ్రహ్మచర్యం చరంతి తత్తే పదం సంగ్రహేణ ప్రవక్ష్యే//11//
సర్వద్వారాణి సంయమ్య మనో హృది నిరుధ్య చ/
మూర్ధ్న్యాధాయాత్మనః ప్రాణం అస్థితో యోగధారణమ్//12//
ఓమిత్యేకాక్షరం బ్రహ్మ వ్యాహరన్ మామనుస్మరన్/
యః ప్రయాతి త్యజన్ దేహం స యాతి పరమాం గతిమ్//13//
అనన్యచేతాః సతతం యో మాం స్మరతి నిత్యశః/
తస్యాహం సులభః పార్థ నిత్యయుక్తస్య యోగినః//14//
మాముపేత్య పునర్జన్మ దుఃఖాలయమశాశ్వతమ్/
నాప్నువంతి మహాత్మానః సంసిద్ధిం పరమాం గతాః//15//
ఆబ్రహ్మభువనాల్లోకాః పునరావర్తినోఽర్జున/
మాముపేత్య తు కౌంతేయ పునర్జన్మ న విద్యతే//16//
సహస్రయుగ పర్యంతమ్ అహర్యద్బ్రహ్మణో విదుః/
రాత్రిం యుగసహస్రాంతం తోఽహోరాత్రవిదో జనాః//17//
అవ్యక్తాద్వ్యక్తయః సర్వాః ప్రభవంత్యహరాగమే/
రాత్ర్యాగమే ప్రలీయంతే తత్రైవావ్యక్తసంజ్ఞకే//18//
భూతగ్రామః స ఏవాయం భూత్వా భూత్వా ప్రలీయతే/
రాత్ర్యాగమేఽవశః పార్థ ప్రభవత్యహరాగమే//19//
పరస్తస్మాత్తు భావోఽన్యోఽవ్యక్తోఽవ్యక్తాత్ సనాతనః/
యః స సర్వేషు భూతేషు నశ్యత్సు న వినశ్యతి//20//

అష్టమోఽధ్యాయః..అక్షర పరబ్రహ్మ యోగము శ్లోకము1-10

అర్జున ఉవాచ...
కిం తద్బ్రహ్మ కిమధ్యాత్మం కిం కర్మ పురుషోత్తమ/
అధిభూతం చ కిం ప్రోక్తం అధిదైవం కిముచ్యతే//1//
అధియజ్ఞః కథం కోఽత్ర దేహేఽస్మిన్ మధుసూదన/
ప్రయాణకాలే చ కథం జ్ఞేయోఽసి నియతాత్మభిః//2//
శ్రీ భగవానువాచ...
అక్షరం బ్రహ్మ పరమం స్వభావోఽధ్యాత్మముచ్యతే/
భూతభావోద్భవకరో విసర్గః కర్మసంజ్ఞితః//3//
అధిభూతం క్షరో భావః పురుషశ్చాధిదైవతమ్/
అధియజ్ఞోఽహ మేవాత్ర దేహే దేహభృతాం వర//4//
అంతకాలే చ మామేవ స్మరన్ ముక్త్వా కలేవరమ్/
యః ప్రయాతి స మద్భావం యాతి నాస్త్యత్ర సంశయః//5//
యం యం వాపి స్మరన్ భావం త్యజత్యంతే కలేవరమ్/
తం తమేవైతి కౌంతేయ సదా తద్భావభావితః//6//
తస్మాత్ సర్వేషు కాలేషు మామనుస్మర యుధ్య చ/
మయ్యర్పిత మనోబుద్ధిః మామేవైష్యస్య సంశయమ్//7//
అభ్యాసయోగ యుక్తేన చేతసా నాన్యగామినా/
పరమం పురుషం దివ్యం యాతి పార్థానుచింతయన్//8//
కవిం పురాణమనుశాసితారమ్ అణోరణీయాంస మనుస్మరేద్యః/
సర్వస్య ధాతారమచింత్యరూపమ్ ఆదిత్యవర్ణం తమసః పరస్తాత్//9//
ప్రయాణకాలే మనసాఽచలేన భక్త్యా యుక్తో  యోగబలేన చైవ/
భ్రువోర్మధ్యే ప్రాణమావేశ్య సమ్యక్ స తం పరం పురుషముపైతి దివ్యమ్//10//

జ్ఞాన విజ్ఞాన యోగము శ్లోకము21-30

యో యో యాం యాం తనుం భక్తః శ్రద్ధయార్చితుమిచ్ఛతి/
తస్య తస్యాచలాం శ్రద్ధాం తామేవ విదధామ్యహమ్//21//
స తయా శ్రద్ధయా యుక్తః తస్యారాధనమీహతే/
లభతే చ తతః కామాన్ మయైవ విహితాన్ హి తాన్//22//
అంతవత్తు ఫలం తేషాం తద్భవత్యల్పమేధసామ్/
దేవాన్ దేవయజో యాంతి మద్భక్తా యాంతి మామపి//23//
అవ్యక్తం వ్యక్తిమాపన్నం మన్యంతే మామబుద్ధయః/
పరం భావమజానంతో మమావ్యయమనుత్తమమ్//24//
నాహం ప్రకాశః సర్వస్య యోగమాయాసమావృతః/
మూఢోఽయం నాభిజానాతి లోకో మామజమవ్యయమ్//25/
వేదాహం సమతీతాని వర్తమానాని చార్జున/
భవిష్యాణి చ భూతాని మాం తు వేద న కశ్చన//26//
ఇచ్ఛాద్వేషసముత్థేన ద్వంద్వమోహేన భారత/
సర్వభూతాని సమ్మోహం సర్గే యాంతి పరంతప//27//
యేషాం త్వంతగతం పాపం జనానాం పుణ్యకర్మణామ్/
తే ద్వంద్వ మోహనిర్ముక్తా భజంతే మాం దృఢవ్రతాః//28//
జరామరణ మోక్షాయ మామాశ్రిత్య యతంతి యే
తే బ్రహ్మ తద్విదుః కృత్స్నమ్ అథ్యాత్మం కర్మ చాఖిలమ్//29//
సాధిభూతాధిదైవం మాం సాధియజ్ఞం చ యే విదుః/
ప్రయాణకాలేఽపి చ మాం తే విదుర్యుక్తచేతసః//30//

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జున సంవాదే జ్ఞానవిజ్ఞాన యోగో నామ సప్తమోఽధ్యాయః॥

జ్ఞాన విజ్ఞాన యోగము శ్లోకము11-20

బలం బలవాతాం చాహం కామరాగవివర్జితమ్/
ధర్మా విరుద్ధో భూతేషు కామోఽస్మి భరతర్షభ//11//
యే చైవ సాత్త్వికా భావా రాజసాస్తామసాశ్చ యే/
మత్త ఏవేతి తాన్ విద్ధి న త్వహం తేషు తే మయి//12//
త్రిభిర్గుణమయైర్భా వైః ఏభిః సర్వమిదం జగత్/
మోహితం నాభిజానాతి మామేభ్యః పరమవ్యయమ్//13//
దైవీ హ్యేషా గుణమయీ మమ మాయా దురత్యయా/
మామేవ యే ప్రపద్యంతే మాయామేతాం తరంతి తే//14//
న మాం దుష్కృతినో మూఢాః ప్రపద్యంతే నరాధమాః/
మాయయాపహృతజ్ఞానా ఆసురం భావమాశ్రితాః//15//
చతుర్విధా భజంతే మాం జనాః సుకృతినోఽర్జున/
ఆర్తో జిజ్ఞాసురర్థార్థీ జ్ఞానీ చ భరతర్షభ//16//
తేషాం జ్ఞానీ నిత్యయుక్త ఏకభక్తిర్విశిష్యతే/
ప్రియో హి జ్ఞానినోఽత్యర్థమ్ అహం స చ మమ ప్రియః//17//
ఉదారాః సర్వ ఏవైతే జ్ఞానీ త్వాత్మైవ మే మతమ్/
అస్థితః స హి యుక్తాత్మా మామేవానుత్తమాం గతిమ్//18//
బహూనాం జన్మ నామంతే జ్ఞానవాన్ మాం ప్రపద్యతే/
వాసుదేవః సర్వమితి స మహాత్మా సుదుర్లభః//19//
కామైస్తైస్తైర్హృతజ్ఞానాః ప్రపద్యంతేఽన్యదేవతాః/
తం తం నియమమాస్థాయ ప్రకృత్యా నియతాః స్వయా//20//

జ్ఞాన విజ్ఞాన యోగము..సప్తమోఽధ్యాయము..శ్లోక1-10

శ్రీ భగవానువాచ....
మయ్యాసక్తమనాః పార్థ యోగం యుఞ్జన్మదాశ్రయః/
అసంశయం సమగ్రం మాం యథా జ్ఞాస్యసి తచ్ఛృణు//1//
జ్ఞానం తేఽహం సవిజ్ఞానమ్ ఇదం వక్ష్యామ్యశేషతః/
యద్ జ్ఞాత్వా నేహ భూయోఽన్యత్ జ్ఞాతవ్యమవశిష్యతే//2//
మనుష్యాణాం సహస్రేషు కశ్చిద్యతతి సిద్ధయే/
యతతామపి సిద్ధానాం కశ్చిన్మాం వేత్తి తత్త్వతః//3//
భూమిరాపోఽనలో వాయుః ఖం మనో బుద్ధిరేవ చ/
అహంకార ఇతీయం మే భిన్నా ప్రకృతిరష్టధా//4//
అపరేయమితస్త్వన్యాం ప్రకృతిం విద్ధి మే పరామ్/
జీవభూతాం మహాబాహో యయేదం ధార్యతే జగత్//5//
ఏతద్యోనీని భూతాని సర్వాణీత్యుపధారయ/
అహం కృత్స్నస్య జగతః ప్రభవః ప్రలయస్తథా//6//
మత్తః పరతరం నాన్యత్ కించిదస్తి ధనంజయ/
మయి సర్వమిదం ప్రోతం సూత్రే మణిగణా ఇవ//7//
రసోఽహమప్సు కౌంతేయ ప్రభాస్మి శశిసూర్యయోః/
ప్రణవః సర్వవేదేషు శబ్దః ఖే పౌరుషం నృషు//8//
పుణ్యో గంధః పృథివ్యాం చ తేజశ్చాస్మి విభావసౌ/
జీవనం సర్వ భూతేషు తపశ్చాస్మి తపస్విషు//9//
బీజం మాం సర్వభూతానాం విద్ధి పార్థ సనాతనమ్/
బుద్ధిర్బుద్ధిమతామస్మి తేజస్తేజస్వినామహమ్//10//

ఆత్మ సంయమ యోగము శ్లోక41-47

ప్రాప్య పుణ్యకృతాం లోకాన్ ఉషిత్వా శాశ్వతీః సమాః/
శుచీనాం శ్రీమతాం గేహే యోగభ్రష్టోఽభిజాయతే//41//
అథవా యోగినామేవ కులే భవతి ధీమతామ్/
ఏతద్ధి దుర్లభతరం లోకే జన్మ యదీదృశమ్//42//
తత్ర తం బుద్ధిసంయోగం లభతే పౌర్వదేహికమ్/
యతతే చ తతో భూయః సంసిద్ధౌ కురునందన//43//
పూర్వాభ్యాసేన తేనైవ హ్రియతే హ్యవసోఽపి సః/
జిజ్ఞాసురపి యోగస్య శబ్దబ్రహ్మాతి వర్తతే//44//
ప్రయత్నాద్యతమానస్తు యోగీ సంశుద్ధకిల్బిషః/
అనేకజన్మసంసిద్ధః తతో యాతి పరాం గతిమ్//45//
తపస్విభ్యోఽధికో యోగీ జ్ఞానిభ్యోఽపి మతోఽధికః/
కర్మిభ్యశ్చాధికో యోగీ తస్మాద్యోగీ భవార్జున//46//
 యోగినామపి సర్వేషాం మద్గతేనాంతరాత్మనా/
శ్రద్ధావాన్ భజతే యో మాం స మే యుక్తతమో మతః//47//

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జునసంవాదే ఆత్మ సంయమ యోగో నామ షష్ఠోఽధ్యాయః॥

ఆత్మ సంయమ యోగము శ్లోక31-40

సర్వ భూతస్థితం యో మాం భజత్యేకత్వమాస్థితః/
సర్వథా వర్తమానోఽపి స యోగీ మయి వర్తతే//31//
ఆత్మౌపమ్యేన సర్వత్ర సమం పశ్యతి యోఽర్జున/
సుఖం వా యది వా దుఃఖం స యోగీ పరమో మతః//32//
అర్జున ఉవాచ...
యోఽయం యోగస్త్వయా ప్రోక్తః సామ్యేన మధుసూదన/
ఏతస్యాహం న పశ్యామి చంచలత్వాత్ స్థితిం స్థిరామ్//33//
చంచలం హి మనః కృష్ణ ప్రమాథి బలవద్దృఢమ్/
తస్యాహం నిగ్రహం మన్యే వాయోరివ సుదుష్కరమ్//34//
శ్రీ భగవానువాచ...
అసంశయం మహాబాహో మనో దుర్నిగ్రహం చలమ్/
అభ్యాసేన తు కౌంతేయ వైరాగ్యేణ చ గృహ్యతే//35//
అసంయతాత్మనా యోగో దుష్ప్రాప ఇతి మే మతిః/
వశ్యాత్మనా తు యతతా శక్యోఽవాప్తుముపాయతః//36//
అర్జున ఉవాచ....
అయతిః శ్రద్ధయోపేతో యోగాచ్చలితమానసః/
అప్రాప్య యోగసంసిద్ధిం కాం గతిం కృష్ణ గచ్ఛతి//37//
కచ్చిన్నోభయవిభ్రష్టః ఛిన్నాభ్రమివ నశ్యతి/
అప్రతిష్ఠో మహాబాహో విమూఢో బ్రాహ్మణః పథి//38//
ఏతన్మే సంశయం కృష్ణ ఛేత్తుమర్హస్యశేషతః/
త్వదన్యః సంశయస్యాస్య ఛేత్తా న హ్యుపపద్యతే//39//
శ్రీ భగవానువాచ...
పార్థ నైవేహ నాముత్ర వినాశస్తస్య విద్యతే/
న హి కల్యాణకృత్ కశ్చిత్ దుర్గతిం తాత గచ్ఛతి//40//

ఆత్మ సంయమ యోగము శ్లోక 21-30

సుఖమాత్యంతికం యత్తత్ బుద్ధిగ్రాహ్యమతీంద్రియమ్/

వేత్తి యత్ర న చైవాయమ్ స్థితశ్చలతి  తత్త్వతః//21//

యం లబ్ధ్వా చాపరం లాభం మన్యతే నాధికం తతః/

యస్మిన్ స్థితో న దుఃఖేన గురుణాపి విచాల్యతే//22//

తం విద్యాద్దుఃఖసంయోగ వియోగం యోగసంజ్ఞితమ్/

స నిశ్చయేన యోక్తవ్యో యోగోఽనిర్విణ్ణచేతసా//23//

సంకల్ప ప్రభవాన్ కామాన్ త్యక్త్వా సర్వానశేషతః/

మనసైవేంద్రియగ్రామం వినియమ్య సమంతతః//24//

శనైః శనైరుపరమేత్ బుద్ధ్యా ధృతిగృహీతయా/

ఆత్మసంస్థం మనః కృత్వా న కించిదపి చింతయేత్//25//

యతో యతో నిశ్చరతి మనశ్చంచలమస్థిరమ్/

తతస్తతో నియమ్యైత దాత్మన్యేవ వశం నయేత్//26//

ప్రశాంతమనసం హ్యేనం యోగినం సుఖముత్తమమ్/

ఉపైతి శాంతరజసం బ్రహ్మభూతమకల్మషమ్//27//

యుఞ్జన్నేవం సదాత్మానం యోగీ విగతకల్మషః/

సుఖేన బ్రహ్మసంస్పర్శం అత్యంతం సుఖమశ్నుతే//28//

సర్వభూతస్థమాత్మానం సర్వభూతాని చాత్మని/

ఈక్షతే యోగయుక్తాత్మా సర్వత్ర సమదర్శనః//29//

యో మాం పశ్యతి సర్వత్ర సర్వం చ మయి పశ్యతి/

తస్యాహం న ప్రణశ్యామి స చ మే న ప్రణశ్యతి//30//

ఆత్మ సంయమ యోగము శ్లోక 11-20

శుచౌ దేశే ప్రతిష్ఠాప్య స్థిరమాసనమాత్మనః/
నాత్యుచ్ర్ఛిత్రం నాతినీచం చైలాజినకుశోత్తరమ్//11//
తత్రైకాగ్రం మనః కృత్వా యతచిత్తేంద్రియక్రియః/
ఉపవిశ్యాసనే యుంజ్యాత్ యోగమాత్మ విశుద్ధయే//12//
సమం కాయశిరోగ్రీవం ధారయన్నచలం స్థిరః/
సంప్రేక్ష్య నాసికాగ్రం స్వం దిశశ్చానవలోకయన్//13//
ప్రశాంతాత్మా విగతభీః బ్రహ్మచారివ్రతే స్థితః/
మనః సంయమ్య మచ్చిత్తో యుక్త ఆసీత మత్పరః//14//
యుఞ్జన్నేవం సదాత్మానం యోగీ నియతమానసః/
శాంతిం నిర్వాణపరమాం మత్సంస్థామధి గచ్ఛతి//15//
నాత్యశ్నతస్తు యోగోఽస్తి న చైకాంతమనశ్నతః/
న జాతి స్వప్నశీలస్య జాగ్రతో నైవ చార్జున//16//
యుక్తాహార విహారస్య యుక్త చేష్టస్య కర్మసు/
యుక్త స్వప్నావబోధస్య యోగో భవతి దుఃఖహా//17//
యదా వినియతం చిత్తమ్ ఆత్మన్యేవావతిష్ఠతే/
నిఃస్పృహః సర్వ కామేభ్యో యుక్త ఇత్యుచ్యతే తదా//18//
యథా దీపో నివాతస్థో నేంగతే సోపమా స్మృతా/
యోగినో యత చిత్తస్య యుఞ్జతో యోగమాత్మనః//19//
యత్రోపరమతే చిత్తం నిరుద్ధం యోగసేవయా/
యత్ర చైవాత్మనాత్మానం పశ్యన్నాత్మని తుష్యతి//20//

ఆత్మ సంయమ యోగము షష్ఠోఽధ్యాయః శ్లోక1-10

శ్రీ భగవానువాచ...
అనాశ్రితః కర్మఫలం కార్యం కర్మ కరోతి యః/
స సన్న్యాసీ చ యోగీ చ న నిరగ్నిర్నచాక్రియః//1//
యం సన్న్యాసమితి ప్రాహుః యోగం తం విద్ధి పాండవ/
న హ్యసన్న్యస్తసంకల్పో యోగీ భవతి కశ్చన//2//
ఆరురుక్షోర్ము నేర్యోగం కర్మ కారణముచ్యతే/
యోగారూఢస్య తస్యైవ శమః కారణముచ్యతే//3//
యదా హి నేంద్రియార్థేషు న కర్మస్వనుషజ్జతే/
సర్వసంకల్పసన్న్యాసీ యోగారూఢస్తదోచ్యతే//4//
ఉద్ధరేదాత్మనాత్మానం నాత్మానమవసాదయేత్/
ఆత్మైవ హ్యాత్మనో బంధు రాత్మైవ రిపురాత్మనః//5//
బంధురాత్మాత్మనస్తస్య యేనాత్మైవాత్మనా జితః/
అనాత్మనస్తు శత్రుత్వే వర్తేతాత్మైవ శత్రువత్//6//
జితాత్మనః ప్రశాంతస్య పరమాత్మా సమాహితః/
శీతోష్ణసుఖదుఃఖేషు తథా మానావమానయోః//7//
జ్ఞానవిజ్ఞానతృప్తాత్మా కూటస్థో విజితేంద్రియః/
యుక్త ఇత్యుచ్యతే యోగీ సమలోష్టాశ్మ కాంచనః//8//
సుహృన్మిత్రార్యుదాసీన మధ్యస్థద్వేష్యబంధుషు/
సాధుష్వపి చ పాపేషు సమబుద్ధిర్విశిష్యతే//9//
యోగీ యుఞ్జీత సతతమ్ ఆత్మానం రహసి స్థితః/
ఏకాకీయత చిత్తాత్మా నిరాశీరపరిగ్రహః//10//

కర్మ సన్న్యాస యోగము శ్లోక 21-29

బాహ్య స్పర్శేష్వ సక్తాత్మా విందత్యాత్మని యత్సుఖమ్/
స బ్రహ్మ యోగ యుక్తాత్మా సుఖమక్షయ మశ్నుతే//21//
యే హి సంస్పర్శజా భోగా దుఃఖయోనయ ఏవ తే/
ఆద్యంతవంతః కౌంతేయ న తేషు రమతే బుధ్ధ//22//
శక్నోతీహైవ యః సోఢుం ప్రాక్ శరీర విమోక్షణాత్/
కామ క్రోధోద్భవం వేగం స యుక్తః స సుఖీ నరః//23//
యోన్త స్సుఖోఽంతరారామః తథాంతర్జ్యోతి రేవ యః/
స యోగీ బ్రహ్మ నిర్వాణం బ్రహ్మ భూతోఽథి గచ్ఛతి//24//
లభంతే బ్రహ్మనిర్వాణమ్ ఋషయః క్షీణకల్మషాః/
ఛిన్నద్వైధా యతాత్మానః సర్వభూత హితే రతాః//25//
కామక్రోధ వియుక్తానాం యతీనాం యతచేతసామ్/
అభితో బ్రహ్మనిర్వాణం వర్తతే విదితాత్మనామ్//26//
స్పర్శాన్ కృత్వా బహిర్బాహ్యాన్ చక్షుశ్చైవాంతరే భ్రువోః/
ప్రాణపానౌ సమౌ కృత్వా నాసాభ్యంతరచారిణౌ//27//
యతేంద్రియ మనోబుద్ధిః మునిర్మోక్షపరాయణః/
విగతేచ్ఛా భయక్రోధో యః సదా ముక్త ఏవ సః//28//
భోక్తారం యజ్ఞతపసాం సర్వలోక మహేశ్వరమ్/
సుహృదం సర్వ భూతానాం జ్ఞాత్వా మాం శాంతి మృచ్ఛతి//29//

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జున సంవాదే కర్మ సన్న్యాస యోగో నామ పంచమోఽధ్యాయః//

కర్మ సన్న్యాస యోగము శ్లోక11-20

కాయేన మనసా బుద్ధ్యా కేవలైరింద్రియైరపి/
యోగినః కర్మ కుర్వంతి సంగం త్యక్త్వాత్మశుద్ధయే//11//
యుక్తః కర్మఫలం త్యక్త్వా శాంతిమాప్నోతి నైష్ఠికీమ్/
అయుక్తః కామకారేణ ఫలే సక్తో నిబధ్యతే//12//
సర్వకర్మాణి మనసా సన్న్యస్యాస్తే సుఖం వశీ/
నవద్వారే పురే దేహీ నైవ కుర్వన్ న కారయన్//13//
న కర్తృత్వం న కర్మాణి లోకస్య సృజతి ప్రభుః/
న కర్మఫల సంయోగం స్వభావస్తు ప్రవర్తతే//14//
నాదత్తే కస్యచిత్ పాపం న చైవ సుకృతం విభుః/
అజ్ఞానేనావృతం జ్ఞానం తేన ముహ్యంతి జంతవః//15//
జ్ఞానేన తు తదజ్ఞానం  యేషాం నాశితమాత్మనః/
తేషామాదిత్యవద్ జ్ఞానం ప్రకాశయతి తత్పరమ్//16//
తద్బుద్ధయస్తదాత్మానః తన్నిష్ఠాస్తత్పరాయణాః/
గచ్ఛంత్యపునరావృత్తిం జ్ఞాననిర్ధూతకల్మషాః//17//
విద్యావినయసంపన్నే బ్రాహ్మణే గవి హస్తిని/
శుని చైవ శ్వపాకే చ పండితాః సమదర్శినః//18//
ఇహైవ తైర్జితః సర్గో యేషాంసామ్యే స్థితం మనః/
నిర్దోషం హి సమం బ్రహ్మ తస్మాద్ బ్రహ్మణి తే స్థితాః//19//
న ప్రహృష్యేత్ ప్రియం ప్రాప్య నోద్విజేత్ ప్రాప్య చాప్రియమ్/
స్థిరబుద్ధిరసంమూఢో బ్రహ్మవిద్ర్బహ్మణి స్థితః//20//

పంచమోఽధ్యాయః...కర్మ సన్న్యాస యోగః..శ్లోక1-10

అర్జున ఉవాచ...
సన్న్యాసం కర్మణాం కృష్ణ పునర్యోగం చ శంససి/
యచ్ఛ్రేయ ఏతయోరేకం తన్మే బ్రూహి సునిశ్చితమ్//1//
శ్రీ భగవానువాచ....
సన్న్యాసః కర్మయోగశ్చ నిఃశ్రేయసకరావుభౌ/
తయోస్తు కర్మ సన్న్యాసాత్ కర్మ యోగో విశిష్యతే//2//
జ్ఞేయః స నిత్య సన్న్యాసీ యో న ద్వేష్టి న కాంక్షతి/
నిర్ద్వంద్వో హి మహాబాహో సుఖం బంధాత్ ప్రముచ్యతే//3//
సాంఖ్యయోగౌ పృథగ్బాలాః ప్రవదంతి న పండితాః/
ఏకమప్యాస్థితః సమ్యక్ ఉభయోర్విందతే ఫలమ్//4//
యత్సాంఖ్యైః ప్రాప్యతే స్థానం తద్యోగైరపి గమ్యతే/
ఏకం సాంఖ్యం చ యోగం చ యః పశ్యతి స పశ్యతి//5//
సవ్న్యాసస్తు మహాబాహో దుఃఖమాప్తుమయోగతః/
యోగయుక్తో మునిర్బ్రహ్మ నచిరేణాధి గచ్ఛతి//6//
యోగయుక్తో విశుద్ధాత్మా విజితాత్మా జితేంద్రియః/
సర్వ భూతాత్మ భూతాత్మా కుర్వన్నపి న లిప్యతే//7//
నైవ కించిత్ కరోమీతి యుక్తో మన్యేత తత్త్వవిత్/
పశ్యన్ శృణ్వన్ స్పృశన్ జిఘ్రన్ అశ్నన్ గచ్ఛన్ శ్వపన్ శ్వసన్//8//
ప్రలపన్ విసృజన్ గృహ్ణన్ ఉన్నిషన్ నిమిషన్నపి/
ఇంద్రియాణీంద్రియార్థేషు వర్తంత ఇతి ధారయన్//9//
బ్రహ్మణ్యాధాయ కర్మాణి సంగం త్యక్త్వా కరోతి యః/
లిప్యతే న స పాపేన పద్మపత్ర మివాంభసా//10//

జ్ఞాన యోగము శ్లోక31-42

యజ్ఞశిష్టామృతభుజో యాంతి బ్రహ్మ సనాతనమ్/
నాయం లోకోఽస్త్యయజ్ఞస్య కుతోఽన్యః కురుసత్తమ//31//

ఏవం బహువిధా యజ్ఞా వితతా బ్రహ్మణో ముఖే/
కర్మజాన్ విద్ధి తాన్ సర్వాన్ ఏవం జ్ఞాత్వా విమోక్ష్యసే//32//

శ్రేయాన్ ద్రవ్యమయాద్యజ్ఞాత్ జ్ఞానయజ్ఞః పరంతప/
సర్వం కర్మాఖిలం పార్థ జ్ఞానే పరిసమాప్యతే//33//

తద్విద్ధి ప్రణిపాతేన పరిప్రశ్నేన సేవయా/
ఉపదేక్ష్యంతి తే జ్ఞానం జ్ఞానినస్తత్త్వదర్శినః//34//

యద్ జ్ఞాత్వా న పునర్మోహమ్ ఏవం యాస్యసి పాండవ/
యేన భూతాన్యశేషేణ ద్రక్ష్యస్యాత్మన్యథో మయి//35//

అపి చేదసి పాపేభ్యః సర్వేభ్యః పాపకృత్తమః/
సర్వం జ్ఞాన ప్లవేనైవ వృజినం సంతరిష్యసి //36//

యథైధాంసి సమిద్ధోఽగ్నిః భస్మ సాత్కురుతేఽర్జున/
జ్ఞానాగ్నిః సర్వకర్మాణి భస్మ సాత్కురుతే తథా//37//

న హి జ్ఞానేన సదృశం పవిత్రమిహ విద్యతే/
తత్స్వయం యోగసంసిద్ధః కాలేనాత్మని విందతి//38//

శ్రద్ధావాన్ లభతే జ్ఞానం తత్పరః సంయతేంద్రియః/
జ్ఞానం లబ్ధ్వా పరాంశాంతిమ్ అచిరేణాధి గచ్ఛతి//39//

అజ్ఞశ్చాశ్రద్ధధానశ్చ సంశయాత్మా వినశ్యతి/
నాయం లోకోఽస్తి న పరో న సుఖం సంశయాత్మనః//40//

యోగసన్న్యస్త కర్మాణం జ్ఞానసంఛిన్న సంశయం/
ఆత్మవంతం న కర్మాణి నిబధ్నంతి ధనంజయ//41//

తస్మాదజ్ఞాన సంభూతం హృత్స్థం జ్ఞానాసినాత్మనః/
ఛిత్త్వైనం సంశయం యోగమ్ ఆతిష్ఠోత్తిష్ఠ భారత//42//

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జున సంవాదే జ్ఞానకర్మసన్న్యాసయోగో నామ చతుర్థోఽధ్యాయః////

జ్ఞాన యోగము శ్లోక21-30

నిరాశీర్యత చిత్తాత్మా త్యక్తసర్వ పరిగ్రహః/
శారీరం కేవలం కర్మ కుర్వన్నాప్నోతి కిల్బిషమ్//21//

యదృచ్ఛా లాభసంతుష్టో ద్వంద్వాతీతో విమత్సరః/
సమః సిద్ధావసిద్ధౌ చ కృత్వాపి న నిబధ్యతే//22//

గతసంగస్య ముక్తస్య జ్ఞానావస్థిత చేతసః/
యజ్ఞాయాచరతః కర్మ సమగ్రం ప్రవిలీయతే//23//

బ్రహార్పణం బ్రహ్మ హవిః బ్రహ్మాగ్నౌ బ్రహ్మణా హుతమ్/
బ్రహ్మైవ తేన గన్తవ్యం బ్రహ్మకర్మ సమాధినా//24//

దైవమేవాపరే యజ్ఞం యోగినః పర్యుపాసతే/
బ్రహ్మాగ్నావపరే యజ్ఞం యజ్ఞేనైవోప జుహ్వతి//25//

శ్రోత్రాదీనీంద్రియాణ్యన్యే సంయమాగ్నిషు జుహ్వతి/
శబ్దాదీన్ విషయానన్య ఇంద్రియాగ్నిషు జుహ్వతి//26//

సర్వాణీంద్రియ కర్మాణి ప్రాణ కర్మాణి చాపరే/
ఆత్మ సంయమ యోగాగ్నౌ జుహ్వతి జ్ఞానదీపితే//27//

ద్రవ్య యజ్ఞాస్తపోయజ్ఞా యోగ యజ్ఞాస్తథాపరే/
స్వాధ్యాయజ్ఞానయజ్ఞాశ్చ యతయః సంశితవ్రతాః//28//

అపానే జుహ్వతి ప్రాణం ప్రాణేఽ పానం తథాపరే/
ప్రాణాపానగతీ రుధ్ధ్వా ప్రాణాయామ పరాయణాః//29/

అపరే నియతాహారాః ప్రాణాన్ ప్రాణేషు జుహ్వతి/
సర్వేఽప్యేతే యజ్ఞవిదో యజ్ఞక్షపితకల్మషాః//30//

జ్ఞాన యోగము...శ్లోక11-20

యే యథా మాం ప్రపద్యంతే తాంస్తథైవ భజామ్యహమ్/
మమ వర్త్మానువర్తంతే మనుష్యాః పార్థ సర్వశః//11//
కాంక్షన్తః కర్మణాం సిద్ధిం యజంత ఇహ దేవతాః/
క్షిప్రం హి మానుషే లోకే సిద్ధిర్భవతి కర్మజా//12//
చాతుర్వర్ణ్యం మయా సృష్టం గుణకర్మ విభాగశః/
తస్య కర్తారమపి మాం విద్ధ్య కర్తారమవ్యయమ్//13//
న మాం కర్మాణి లిమ్పన్తి న మే కర్మఫలే స్పృహా/
ఇతి మాం యోఽభిజానాతి కర్మ భిర్న స బధ్యతే//14//
ఏవం జ్ఞాత్వా కృతం కర్మ పూర్వైరపి ముముక్షుభిః/
కురు కర్మైవ తస్మాత్త్వం పూర్వైః పూర్వతరం కృతమ్//15//
కిం కర్మ కిమకర్మేతి కవయోఽప్యత్ర మోహితాః/
తత్తే కర్మ ప్రవక్ష్యామి యదా జ్ఞాత్వా మోక్షసేఽశుభాత్//16//
కర్మణో హ్యపి బోద్థవ్యం బోద్ధవ్యం చ వికర్మణః/
అకర్మణశ్చ బోద్ధవ్యం గహనా కర్మణో గతిం//17//
కర్మణ్యకర్మ యః పశ్యేత్ అకర్మణి చ కర్మ యః/
స బుద్ధిమాన్ మనుష్యేషు స యుక్తః కృత్స్నకర్మకృత్//18//
యస్య సర్వే సమారంభాః కామసంకల్ప వర్జితాః/
జ్ఞానాగ్ని దగ్ధ కర్మాణం తమాహుః పండితం బుధాః/ /19//
త్యక్త్వా కర్మఫలాసంగం నిత్య తృప్తో నిరాశ్రయః/
కర్మణ్యభి ప్రవృత్తోఽపి నైవ కించిత్ కరోతి సః//20//

జ్ఞాన యోగము...చతుర్థ అధ్యాయము..శ్లోక1-10

శ్రీ భగవానువాచ...
ఇమం వివస్వతే యోగం ప్రోక్తవాన్ అహమవ్యయమ్/
వివస్వాన్ మనవే ప్రాహ మనురిక్ష్వాకవేఽబ్రవీత్//1//
ఏవం పరంపరా ప్రాప్తమ్ ఇమం రాజర్షయో విదుః/
స కాలేనేహ మహతా యోగో నష్టః పరంతప//2//
స ఏవాయం మయా తేఽద్య యోగః ప్రోక్తః పురాతనః/
భక్తోఽసి మే సఖా చేతి రహస్యం హ్యేతదుత్తమమ్//3//
అర్జున ఉవాచ..
అపరం భవతో జన్మ పరం జన్మ వివస్వతః/
కథమేతద్విజానీయాం త్వమాదౌ ప్రోక్తవానితి//4//
శ్రీ భగవానువాచ....
బహూని మే వ్యతీతాని జన్మాని తవ చార్జున/
తాన్యహం వేద సర్వాణి న త్వం వేత్థ పరంతప//5//
అజోఽపి సన్నవ్యయాత్మా భూతానామీశ్వరోఽపి సన్/
ప్రకృతిం స్వామధిష్ఠాయ సంభవామ్యాత్మమాయయా //6//
యదా యదా హి ధర్మస్య గ్లానిర్భవతి భారత/
అభ్యుత్థానమ్ అధర్మస్య తదాత్మానం సృజామ్యహమ్//7//
పరిత్రాణాయ సాధూనాం వినాశాయ చ దుష్కృతామ్/
ధర్మ సంస్థాపనార్థాయ సంభవామి యుగే యుగే /8//
జన్మ కర్మ చ మే దివ్యమ్ ఏవం యో వేత్తి తత్త్వతః/
త్యక్త్వా దేహం పునర్జన్మ నైతి మామేతి సోఽర్జున//9//
వీత రాగ భయ క్రోధా మన్మయా మాముపాశ్రితాః/
బహవో జ్ఞానతపసా పూతా మద్భావమాగతాః//10//

కర్మ యోగము శ్లోక31-43

యే మే మతమిదం నిత్యమ్ అనుతిష్ఠంతి మానవాః/
శ్రద్ధావంతోఽనసూయంతో ముచ్యంతే తేఽపి కర్మభిః//31//
యే త్వేతదభ్యసూయంతో నానుతిష్ఠంతి మే మతమ్/
సర్వజ్ఞానవిమూఢాంస్తాన్ విద్ధి నష్టాన చేతసః//32//
సదృశం చేష్టతేస్వస్యాః ప్రకృతేః జ్ఞానవానపి/
ప్రకృతిం యాంతి భూతాని నిగ్రహః కిం కరిష్యతి//33//
ఇంద్రియస్యేన్ద్రియస్యార్థే రాగద్వేషౌ వ్యవస్థితౌ;
తయోర్న వశమాగచ్ఛేత్ తౌ హ్యస్య పరిపంథినౌ//34//
శ్రేయాన్ స్వధర్మో విగుణః పరధర్మాత్ స్వనుష్ఠితాత్/
స్వధర్మే నిధనం శ్రేయః పరధర్మో భయావహః//35//
అర్జున ఉవాచ....
అథ కేన ప్రయుక్తోఽయం పాపం చరతి పూరుషః/
అనిచ్ఛన్నపి వార్ష్ణేయ బలాదివ నియోజితః//36//
శ్రీ భగవానువాచ....
కామ ఏష క్రోధ ఏష రజోగుణ సముద్భవః/
మహాశనో మహాపాప్మా విద్ధ్యేనమిహ వైరిణమ్//37/
ధూమేనావ్రియతే వహ్నిః యథాఽదర్శో మలేన చ/
యథోల్బే నావృతో గర్భః తథా తేనేదమావృతమ్// 38//
ఆవృతం జ్ఞానమేతేన జ్ఞానినో నిత్యవైరిణా/
కామరూపేణ కౌంతేయ దుష్పూరేణానలేన చ//39//
ఇంద్రియాణి మనో బుద్ధిః అస్యాధిష్ఠానముచ్యతే/
ఏతైర్విమోహయత్యేషః జ్ఞానమావృత్య దేహినమ్// 40//
తస్మాత్ త్వమింద్రియాణ్యాదౌ నియమ్య భరతర్షభ/
పాప్మానం ప్రజహి హ్యేనం జ్ఞానవిజ్ఞాన నాశనమ్//41//
ఇంద్రియాణి పరాణ్యాహుః ఇంద్రియేభ్యః పరం మనః/
మనసస్తు పరా బుద్ధిః యో బుద్ధేః పరతస్తు సః//42//
ఏవంబుద్ధేః పరం బుద్ధ్వా సంస్తభ్యాత్మానమాత్మనా/
జహి శత్రుం మహాబాహో కామరూపందురాసదమ్//43//
ఓం తత్సదితి శ్రీమద్భగవద్గీతాసూపనిషత్సు బ్రహ్మ విద్యాయాం యోగశాస్త్రే శ్రీకృష్ణార్జున సంవాదే కర్మయోగో నామ తృతీయోఽధ్యాయః ////

కర్మ యోగము శ్లోక21-30

యద్యదాచరతి శ్రేష్ఠః తత్తదేవేతరో జనః/
స యత్పృమాణం కురుతే లోకస్తదనువర్తతే//21//
న మే పార్థాస్తి కర్తవ్యం త్రిషు లోకేషు కించన/
నానవాప్తమవాప్తవ్యం వర్త ఏవ చ కర్మణి//22//
యది హ్యహం న వర్తేయం జాతు కర్మణ్యతంద్రితః/
మమ వర్త్మానువర్తంతే మనుష్యాః పార్థ సర్వశః//23//
ఉత్సీదేయురిమే లోకా న కుర్యాం కర్మ చేదహమ్/
సంకరస్య చ కర్తా స్యామ్ ఉపహన్యామిమాః ప్రజాః//24//
సక్తాః కర్మణ్య విద్వాంసో యథా కుర్వంతి భారత/
కుర్యాద్విద్వాంస్తథాసక్తః చికీర్షుర్లోకసంగ్రహమ్. 25/
న బుద్ధి భేదం జనయేత్ అజ్ఞానాం కర్మసంగినామ్/
జోషయేత్ సర్వ కర్మాణి విద్వాన్ యుక్తః సమాచరన్//26//
ప్రకృతేః క్రియమాణాని గుణైః కర్మాణి సర్వశః/
అహంకార విమూఢాత్మా కర్తాఽహమ్తి మన్యతే//27/
తత్త్వవిత్తు మహాబాహో గుణకర్మ విభాగయోః/
గుణాగుణేషు వర్తంత ఇతి మత్వా న సజ్జతే//28/
ప్రకృతేర్గుణ సమ్మూఢాః సజ్జంతే గుణకర్మసు/
తానకృత్స్నవిదో మందాన్ కృత్స్నవిన్న విచాలయేత్//29//
మయి సర్వాణి కర్మాణి సన్న్సస్యాధ్యాత్మ చేతసా/
నిరాశీర్నిర్మమో భూత్వా యుధ్యస్వ విగతజ్వరః//30//

కర్మ యోగము శ్లోక11-20

దేవాన్ భావయతానేన తే దేవా భావయంతు వః/
పరస్పరం భావయంతః శ్రేయః పరమవాప్స్యథ//11//
ఇష్టాన్ భోగాన్ హి వో దేవా దాస్యంతే యజ్ఞభావితాః/
తైర్దత్తాన్ అప్రదాయైభ్యో యో భుంక్తే స్తేన ఏవ సః//12//
యజ్ఞ శిష్టాశినః సంతో ముచ్యంతే సర్వ కిల్బిషైః/
భుంజతే తే త్వఘం పాపా యే పచంత్యాత్మకారణాత్//13//
అన్నాద్భవంతి భూతాని పర్జన్యాదన్న సంభవః/
యజ్ఞాద్భవతి పర్జన్యో యజ్ఞః కర్మ సముద్భవః//14//
కర్మ బ్రహ్మోద్భవం విద్ధి బ్రహ్మాక్షర సముద్భవమ్/
తస్మాత్ సర్వగతంబ్రహ్మ నిత్యంయజ్ఞే ప్రతిష్ఠితమ్//15//
ఏవంప్రవర్తితం చక్రం నానువర్తయతీహ యః/
అఘాయురింద్రియారామో మోఘం పార్థ స జీవతి//16//
యస్త్వాత్మరతిరేవ స్యాత్ ఆత్మ తృప్తస్చ మానవః/
ఆత్మన్యేవ చ సంతుష్టః తస్య కార్యం న విద్యతే//17//
నైవ తస్య కృతేనార్థో నాకృతేనేహ కశ్చన//
న చాస్య సర్వ భూతేషు కశ్చిదర్థవ్యపాశ్రయః//18//
తస్మాదసక్తః సతతం కార్యం కర్మ సమాచర/
అసక్తో హ్యాచరన్ కర్మ పరమాప్నోతి పూరుషః//19 వ
కర్మణైవ హి సంసిద్ధిమ్ అస్థితా జనకాదయః/
లోక సంగ్రహమేవాపి సంపశ్యన్ కర్తుమర్హసి. 20//

కర్మ యోగము..తృతీయ అధ్యాయము శ్లోక1-10

అర్జున ఉవాచ...
జ్యాయసీ చేత్ కర్మణస్తే మతా బుద్ధిర్జనార్దన/
తత్కిం కర్మణి ఘోరే మాం నియోజయసి కేశవ//1//
వ్యామిశ్రేణేవ వాక్యేన బుద్ధిం మోహయసీవ మే/
తదేకం వద నిశ్చిత్య  యేనశ్రేయోఽహమాప్నుయామ్//2//
శ్రీభగవానువాచ...
లోకేఽస్మిన్ ద్వివిధా నిష్ఠా పురా ప్రోక్తామయానఘ/
జ్ఞానయోగేన సాంఖ్యానాం కర్మయోగేన యోగినామ్//3//
న కర్మణా మనారంభాత్ నైష్కర్మ్యం పురుషోఽశ్నుతే/
న చ సన్న్యసనాదేవ సిద్ధిం సమధిగచ్ఛతి//4//
న హి కశ్చిత్ క్షణమపి జాతు తిష్ఠత్యకర్మకృత్/
కార్యతే హ్యవశః కర్మ సర్వః ప్రకృతిజైర్గుణైః//5//
కర్మేంద్రియాణి సంయమ్య య ఆస్తే మనసా స్మరన్/
ఇంద్రియార్థాన్ విమూఢాత్మా మిథ్యాచారః స ఉచ్యతే//6//
యస్త్వింద్రియాణి మనసా నియమ్యారభతేఽర్జున/
కర్మేంద్రియైః కర్మయోగమ్ అసక్తః స విశిష్యతే//7//
నియతంకురు కర్మత్వం కర్మజ్యాయో హ్యకర్మణః/
శరీర యాత్రాఽపి చ తే న ప్రసిద్ధ్యేదకర్మణః//8//
యజ్ఞార్థాత్ కర్మణోఽన్యత్ర లోకోఽయం కర్మ బంధనః/
తదర్థం కర్మ కౌంతేయ ముక్తసంగః సమాచర//
సహయజ్ఞాః ప్రజాః సృష్ట్వా పురోవాచ ప్రజాపతిః/
అనేన ప్రసవిష్యధ్వమ్ ఏషవోఽస్త్విష్ట కామధుక్//10/ 

సాంఖ్య యోగము శ్లోక61-72

తాని సర్వాణి సంయమ్య యుక్త ఆసీత మత్పరః/
వశే హి యస్యేంద్రియాణి తస్య ప్రజ్ఞా ప్రతిష్ఠితా//61//
ధ్యాయతో విషయాన్ పుంసః సంగస్తేషూపజాయతే/
సంగాత్ సంజాయతే కామః కామాత్ క్రోధోభిజాయతే//62//
క్రోధాద్భవతి సమ్మోహః సమ్మోహాత్ స్మృతి విభ్రమః/
స్మృతిభ్రంశాత్ బుద్ధినాశో బుద్ధినాశాత్ ప్రణశ్యతి/ /63//
రాగద్వేష వియుక్తైస్తు విషయానింద్రియైశ్చరన్/
ఆత్మవశ్వైర్విధేయాత్మా ప్రసాదమ్ అధిగచ్ఛతి//64//
ప్రసాదే సర్వ దుఃఖానాం హానిరస్యోపజాయతే/
ప్రసన్నచేతసోహ్యాశు బుద్ధిః పర్యవతిష్ఠతే//65//
నాస్తి బుద్ధిరయుక్తస్య న చాయుక్తస్య భావనా/
న చాభావయతః శాంతిః అశాంతస్య కుతస్సుఖమ్//66//
ఇంద్రియాణాం హి చరతాం యన్మనోఽనువిధీయతే/
తదస్య హరతి ప్రజ్ఞాం వాయుర్నావమివాంభసి//67//
తస్మాద్యస్య మహాబాహో!నిగృహీతాని సర్వశః/
ఇంద్రియాణీంద్రియార్థేభ్యః తస్య ప్రజ్ఞా ప్రతిష్ఠితా//68//
యా నిశా సర్వభూతానాం తస్యాంజాగర్తి సంయమీ/
యస్యాం జాగ్రతి భూతాని సా నిశా పశ్యతో మునేః//69//
అపూర్యమాణమచలప్రతిష్ఠం సముద్రమాపః ప్రవిశంతి యద్వత్/
తద్వత్ కామా యం ప్రవిశంతి సర్వే స శాంతిమాప్నోతి న కామకామీ//70//
విహాయ కామాన్ యః సర్వాన్ పుమాంశ్చరతి నిఃస్పృహః/
నిర్మమో నిరహంకారః స శాంతిమధిగచ్ఛతి//71//
ఏషా బ్రాహ్మీ స్థితిః పార్ధ నైనాంప్రాప్య విముహ్యతి/
స్థిత్వాస్యామంతకాలేఽపి బ్రహ్మనిర్వాణమృచ్ఛతి//72//

ఓంతత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జునసంవాదే సాంఖ్యయోగో నామ ద్వితీయోఽధ్యాయః///

సాంఖ్య యోగము శ్లోక51-60

కర్మజం బుద్ధి యుక్తా హి ఫలం త్యక్త్వా మనీషిణః/
జన్మ బంధ వినిర్ముక్తాః పదం గచ్ఛంత్యనామయమ్//51/
యదా తే మోహకలిలం బుద్ధిర్వ్యతి తరిష్యతి/
తదా గంతాసి నిర్వేదం శ్రోతవ్యస్య శ్రుతస్య చ//52//
శ్రుతి విప్రతి పన్నా తే యదా స్థాస్యతి నిశ్చలా/
సమాధావచలా బుద్ధిః తదా యోగమవాప్స్యసి//53//
అర్జున ఉవాచ...
స్థిత ప్రజ్ఞస్య కా భాషా సమాధిస్థస్య కేశవ/
స్థితధీః కిం ప్రభాషేత కిమాసీత వ్రజేత కిమ్//54//
శ్రీ భగవానువాచ...
ప్రజహాతి యదా కామాన్ సర్వాన్ పార్థ మనోగతాన్/
ఆత్మన్యేవాత్మనా తుష్టః స్థితప్రజ్ఞస్తదోచ్యతే//55//
దుఃఖేష్వనుద్విగ్నమనాః సుఖేషు విగతస్పృహః/
వీతరాగ భయక్రోధః స్థితధీర్మునిరుచ్యతే//56//
యః సర్వత్రానభిస్నేహః తత్తత్ ప్రాప్య శుభాశుభమ్/
నాభినందతి న ద్వేష్టి తస్య ప్రజ్ఞా ప్రతిష్ఠితా//57//
యదా సంహరతే చాయం కూర్మోఽగానీవ సర్వశః/
ఇంద్రియాణీంద్రియార్థేభ్యః తస్య ప్రజ్ఞా ప్రతిష్ఠితా//58//
విషయా వినివర్తంతే నిరాహారస్య దేహినః/
రసవర్ణం రసోఽప్యస్య పరం దృష్ట్వా నివర్తతే//59//
యతతోహ్యపి కౌంతేయ పురుషస్య విపశ్చితః/
ఇంద్రియాణి ప్రమాథీని హరంతి ప్రసభం మనః//60//

సాంఖ్య యోగము శ్లోక41-50

వ్యవసాయాత్మికా బుద్ధిః ఏకేహ కురునందన/
బహుశాఖా హ్యనంతాశ్చ బుద్ధయోఽవ్యవసాయినామ్//41/;
 యామిమాం పుష్పితాం వాచం ప్రవదంత్య విపశ్చితః/
వేదవాదరతాః పార్థ నాన్యదస్తీతి వాదినః//42//
కామాత్మానః స్వర్గపరా జన్మ కర్మ ఫలప్రదాం/
క్రియావిశేషబహుళాం భోగైశ్వర్యగతిం ప్రతి//43//
భోగైశ్వర్య ప్రసక్తానాం తయాఽపహృత చేతసామ్/
వ్యవసాయాత్మికా బుద్ధిః సమాధౌ న విధీయతే//44//
త్రైగుణ్య విషయా వేదా నిస్త్రైగుణ్యో భవార్జున/
నిర్ద్వంద్వో నిత్య సత్త్వస్థో నిర్యోగ క్షేమ ఆత్మవాన్//45//
యావానర్థ ఉదపానే సర్వతః సంప్లుతోదకే/
తావాన్ సర్వేషు వేదేషు బ్రాహ్మణస్య విజానతః//46//
కర్మణ్యే వాధికారస్తే మా ఫలేషు కదాచన/
మా కర్మ ఫల హేతుర్భూః మాతే సంగోఽస్త్వకర్మణి//47//
యోగస్థః కురు కర్మాణి సంగం త్యక్త్వా ధనంజయ/
సిద్ధ్య సిద్ధ్యోః సమో భూత్వా సమత్వం యోగ ఉచ్యతే//48//
దూరేణ హ్యవరం కర్మ బుద్ధి యోగాద్ధనంజయ/
బుద్ధౌ శరణమన్విచ్ఛ కృపణాః ఫలహేతవః//49//
బుద్ధియుక్తో జహాతీహ ఉభే సుకృతదుష్కృతే/
తస్మాద్యోగాయ యుజ్యస్వ యోగః కర్మసు కౌశలమ్మ//50//

సాంఖ్య యోగము శ్లోక31-40

 స్వధర్మమపి చావేక్ష్య న వికమ్పితుమర్హసి/
ధర్మ్యాద్ధి యుద్ధాచ్ఛృేయోఽన్యత్ క్షత్రియస్య న విద్యతే//31//
యదృచ్ఛయా చోపపన్నం స్వర్గద్వారమపావృతమ్/
సుఖినః క్షత్రియాః పార్ధ లభంతే యుద్ధమీదృశమ్//32//
అధ చేత్ త్వమిమం ధర్మ్యం సంగ్రామం  న కరిష్యసి/
తతస్స్వధర్మం కీర్తిం చ హిత్వా పాపమవాప్స్యసి//33//
అకీర్తిం చాపి భూతాని కథయిష్యంతి తేఽవ్యయాం/
సంభావితస్య చాకీర్తిః మరణాదతిరిచ్యతే//34//
భయాద్రణాదుపరతం మంస్యన్తే త్వాం మహారథాః/
యేషాం చ త్వం బహుమతో భూత్వా యాస్యసి లాఘవమ్//35//
అవాచ్య వాదాంశ్చ బహూన్ వదిష్యంతి తవాహితాః/
నిందంతస్తవ సామర్థ్యం తతో దుఃఖతరం ను కిమ్//36//
హతో వా ప్రాప్స్యసి స్వర్గం జిత్వా వా భోక్ష్యసే మహీమ్/
తస్మాదుత్తిష్ఠ కౌన్తేయ యుద్ధాయ కృతనిశ్చయః//37//
సుఖదుఃఖే సమే కృత్వా లాభా లాభౌ జయాజయౌ/
తతో యుద్ధాయ యుజ్యస్వ నైవం పాపమవాప్స్యసి//38//
ఏషా తేఽభిహితా సాంఖ్యే బుద్ధిర్యోగే త్విమాం శృణు/
బుద్ధ్యా యుక్తో యయా పార్థ కర్మ బంధం ప్రహాస్యసి//39//
నేహాభిక్రమనాశోఽస్తి ప్రత్యవాయో న విద్యతే/
స్వల్పమప్యస్య ధర్మస్య త్రాయతే మహతో భయాత్//40//

సాంఖ్య యోగము శ్లోక21-30

వేదా వినాశినం నిత్యం య యేన మజ మవ్యయం/
కథం స పురుషః పార్థ కం ఘాతయతి హంతికమ్//21//
వాసాంసి జీర్ణాని యథా విహాయ నవాని గృహ్ణాతి నరోఽపరాణి/
తథా శరీరాణి విహాయ జీర్ణాన్యన్యాని సంయాతి నవాని దేహీ//22//
నైనం ఛిందంతి శస్త్రాణి నైనం దహతి పావకః
న చైనం క్లేదయంత్యాపో న శోషయతి మారుతః/ /23//
అచ్ఛేద్యోఽయమదాహ్యోఽయ మక్లేద్యోఽశోష్య ఏవ చ/
నిత్యః సర్వగతః స్థాణుః అచలోఽయం సనాతనః//24//
అవ్యక్తోఽయమచింత్యోఽయమ్ అవికార్యోఽయముచ్యతే/
తస్మాదేవం విదిత్వైనం నానుశోచితు మర్హసి//25//
అథ చైనం నిత్యజాతం నిత్యం వా మన్యసే మృతమ్/
తథాపి త్వం మహాబాహో నైవం శోచితుమర్హసి//26/
జాతస్య హి ధృవో మృత్యుః ధృవం జన్మ మృతస్య చ/
తస్మాదపరిహార్యేఽర్థే న త్వం శోచితు మర్హసి//27/
అవ్యక్తాదీని భూతాని వ్యక్తమధ్యాని భారత/
అవ్యక్త నిధనాన్యేవ తత్ర కా పరిదేవనా//28//
ఆశ్చర్యవత్పశ్యతి కశ్చిదేనమ్ ఆశ్చర్యవద్వదతి తథైవ చాన్యః/
ఆశ్చర్యవచ్చైనమన్యః శృణోతి శ్రుత్వాప్యేనం వేద న చైవ కశ్చిత్//29/
దేహీ నిత్య మవధ్యోఽయం దేహే సర్వస్య భారత/
తస్మాత్ సర్వాణి భూతాని న త్వం శోచితుమర్హసి//30/

సాంఖ్య యోగము శ్లోక11-20

శ్రీ భగవానువాచ...
అశోచ్యానన్వశోచస్త్వం ప్రజ్ఞావాదాంశ్చ భాషసే/
గతాసూన గతాసూంశ్చ నానుశోచంతి పండితాః//11//
న త్వేవాహం జాతునాసం న త్వం నేమే జనాధిపాః/
న చైవ న భవిష్యామః సర్వే వయమతః పరమ్//12//
దేహినోఽస్మిన్ యథా దేహే కౌమారం యౌవనం జరా/
తథా దేహాంతరప్రాప్తిః ధీరస్తత్ర న ముహ్యతి//13//
మాత్రా స్పర్శాస్తు కౌంతేయ శీతోష్ణ సుఖదుఃఖదాః/
ఆగమాపాయినోఽనిత్యాః తాం స్తితిక్షస్వ భారత//14//
యం హి న వ్యథయన్త్యేతే పురుషం పురుషర్షభ/
సమదుఃఖసుఖం ధీరం సోఽమృతత్వాయ కల్పతే//15//
నాసతో విద్యతే భావో నాభావో విద్యతే సతః/
ఉభయోరపి దృష్టోఽన్తః త్వనయోస్తత్వ దర్శిభిః//16//
అవినాశి తు తద్విద్ధి యేన సర్వమిదం తతమ్/
వినాశమవ్యయస్యాస్య న కశ్చిత్ కర్తుమర్హతి//17//
అంతవంత ఇమే దేహా నిత్యస్యోక్తాః శరీరిణః/
అనాశినోఽప్రమేయస్య తస్మాద్యుధ్యస్వ భారత//18//
య ఏనం వేత్తి హంతారం యశ్చైనం మన్యతే హతమ్/
ఉభౌ తౌ న విజానీతో నాయం హంతి న హన్యతే//19//
న జాయతే మ్రియతే వా కదాచిత్ నాయం భూత్వా భవితా వా న భూయః/
అజో నిత్యః శాశ్వతోఽయం పురాణో న హన్యతే హన్యమానే శరీరే//20//

సాంఖ్య యోగము ద్వితీయ అధ్యాయము శ్లోక-1-10

సంజయ ఉవాచ....
తం తథా కృపయా విష్టమ్ అశ్రు పూర్ణాకులేక్షణమ్/
విషీదంత మిదం వాక్యమ్ ఉవాచ మధుసూదనః//1//
శ్రీ భగవానువాచ...
కుతస్త్వా కశ్మలమిదం విషమే సముపస్థితమ్/
అనార్య జుష్టమస్వర్గ్యమ్ అకీర్తికరమర్జున//2//
క్లైబ్యంమాస్మ గమః పార్థ నైతత్త్వ య్యుపపద్యతే/
క్షుద్రం హృదయదౌర్బల్యం త్యక్త్వోత్తిష్ట పరంతప//3//
అర్జున ఉవాచ...
కథం భీష్మమహం సంఖ్యే ద్రోణం చ మధుసూదన/
ఇషుభిః ప్రతియోత్స్యామి పూజార్హావరిసూదన//4//
గురూనహత్వా హి మహానుభావాన్ శ్రేయో భోక్తుం భైక్ష్య మపీహలోకే/
హత్వార్థ కామాంస్తు గురూనిహైవ భుఞ్జీయ భోగాన్ రుధిర ప్రదిగ్ధాన్//5//
న చైతద్విద్మః కతరన్నో గరీయో యద్వాజయేమ యది వా నో జయేయుః/
యానేవ హత్వా న జిజీవిషామః తేఽవస్థితాః ప్రముఖే ధార్తరాష్ట్రాః//6//
కార్పణ్య దోషోపహతస్వభావః పృచ్ఛామి త్వాం ధర్మసమ్మూఢచేతాః/
యచ్ఛేృయః స్యాన్నిశ్చితం బ్రూహి తన్మే శిష్యస్తేఽహం శాధి మాం త్వాం ప్రపన్నమ్//7//
న హి ప్రపశ్యామి మమాపనుద్యాత్ యచ్ఛోకముచ్ఛోషణమింద్రియాణామ్/
అవాప్య భూమావసపత్నమృద్ధం రాజ్యం సురాణామపి చాధిపత్యమ్//8//
సంజయ ఉవాచ...
ఏవ ముక్త్వా హృషీకేశం గుడాకేశః పరంతప/
న యోత్స్య ఇతి గోవిందమ్ ఉక్త్వా తూష్టీం బభూవ హ//9//
తమూవాచ హృషీకేశః ప్రహసన్నివ భారత/
సేనయోరుభయోర్మధ్యే విషీదంతమిదం వచః//10//

అర్జున విషాదయోగము శ్లోక41-47

అధర్మాభిభవాత్ కృష్ణ ప్రదుష్యంతి కులస్త్రియః/
స్త్రీషు దుష్టాసు వార్ష్ణేయ జాయతే వర్ణసంకరః//41//
సంకరో నరకాయైవ కులఘ్నానాం కులస్య చ/
పతంతి పితరో హ్యేషాం లుప్తపిండోదక క్రియాః//42//
దోషైరేతైః కులఘ్నానాం వర్ణసంకరకారకైః/
ఉత్సాద్యంతే జాతిధర్మాః కులధర్మాశ్చ శాశ్వతాః//43//
ఉత్సన్న కులధర్మాణాం మనుష్యాణాం జనార్దన/
నరికేఽనియతం వాసో భవతీత్యనుశుశ్రుమ/ /44//
అహో బత మహత్పాపం కర్తుం వ్యవసితా వయమ్/
యద్రాజ్య సుఖలోభేన హంతుం స్వజనముద్యతాః//45//
యదిమామప్రతీకారమ్ అశస్త్రం శస్త్రపాణయః/
ధార్తరాష్ట్రా రణేహన్యుః తన్మేక్షేమతరం భవేత్//46//
సంజయ ఉవాచ...
ఏవ ముక్త్వార్జునః సంఖ్యే రథోపస్థ ఉపావిశత్/
విసృజ్య సశరం చాపం శోకసంవిగ్న మానసః//47//
ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జున సంవాదే అర్జున విషాదయోగో నామ ప్రథమోఽధ్యాయః//

అర్జున విషాదయోగము శ్లోకము31-40

నిమిత్తాని చ పశ్యామి విపరీతాని కేశవ/
న చ శ్రేయోఽను పశ్యామి హత్వా స్వజన మాహవే//31//
న కాంక్షే విజయం కృష్ణ న చ రాజ్యం సుఖాని చ/
కిం నో రాజ్యేన గోవింద కిం భోగైర్జీవితేన వా//32//
యేషామర్థే కాంక్షితం నో రాజ్యం భోగాః సుఖాని చ/
త ఇమేఽవస్థితా యుద్ధే ప్రాణాం స్త్యక్త్వా ధనాని చ//33//
ఆచార్యాః పితరః పుత్రాః తథైవ చ పితామహాః/
మాతులాః శ్వశురాః పౌత్రాః శ్యాలాః సంబంధినస్తథా//34//
ఏతాన్న హంతుమిచ్ఛామి ఘ్నతోఽపి మధుసూదన/
అపి త్రైలోక్యరాజ్యస్య హేతోః కిం ను మహీకృతే//35//
నిహత్య ధార్తరాష్ట్రాన్నః కా ప్రీతిః స్యాజ్జనార్దన/
పాప మేవాశ్రయేదస్మాన్  హత్వైతానాతతాయినః//36//
తస్మాన్నార్హా వయంహంతుం ధార్తరాష్ట్రాన్ స్వబాంధవాన్/
స్వజనంహి కథంహత్వా సుఖినః స్యామ మాధవ?//37//
యద్యప్యేతే న పశ్యంతి లోభోపహతచేతసః/
కులక్షయకృతం దోషం మిత్రద్రోహే చ పాతకమ్//38//
కథం న జ్ఞేయమస్మాభిః పాపాదస్మాన్నివర్తితుమ్/
కులక్షయకృతం దోషం ప్రపశ్యద్భిర్జనార్దన//39//
కులక్షయే ప్రణశ్యంతి కులధర్మాః సనాతనాః/
ధర్మే నష్టే కులం కృత్స్నం అధర్మోఽభి భవత్యుత//40//

అర్జున విషాదయోగము శ్లోక21-30

అర్జున ఉవాచ...
సేనయో రుభయోర్మధ్యే రథం స్థాపయ మేఽచ్యుత/(21)
యావదేతాన్ నిరీక్షేఽహం యోద్ధుకామానవస్థితాన్/
కైర్మయా సహ యోద్ధవ్యమస్మిన్ రణ సముద్యమే//(22)
యోత్స్యమానానవేక్షేఽహం య యేతేఽత్ర సమాగతాః/
ధార్తరాష్ట్రస్య దుర్బుద్ధేః యుద్ధేప్రియచికీర్షవః/ /(23//
సంజయ ఉవాచ...
ఏవ ముక్తో హృషీకేశో గుడాకేశేన భారత/
సేనయోరుభయోర్మధ్యే స్థాపయిత్వా రథోత్తమమ్//(24)
భీష్మ ద్రోణ ప్రముఖతః సర్వేషాం చ మహీక్షితామ్/
ఉవాచ పార్థ పశ్యైతాన్ సమవేతాన్ కురూనితి//(25)
తత్రాపశ్యత్ స్థితాన్ పార్థః పితృూనథ పితామహాన్/
ఆచార్యాన్ మాతులాన్ భ్రాతృూన్ పుత్రాన్ పౌత్రాన్ సఖీం స్తథా//26)
శ్వశురాన్ సుహృదశ్చైవ సేనయేరుభయోరపి/
తానే సమీక్ష్య స కౌంతేయః సర్వాన్ బంధూనవస్థితాన్//(27)
కృపయా పరయాఽవిష్టో విషీదన్ని ద మబ్రవీత్/
అర్జున ఉవాచ....
దృష్ట్వేమం స్వజనంకృష్ణ యుయుత్సుం సముపస్థితమ్//(28)
సీదంతి మమ గాత్రాణి ముఖం చ పరిశుష్యతి/
వేపథుశ్చ శరీరే మే రోమహర్షశ్చ జాయతే//(29)
గాండీవం స్రంసతే హస్తాత్ త్వక్చైవ పరిదహ్యతే/
న చ శక్నో మ్యవస్థాతుం భ్రమతీవ చ మే మనః//30)

అర్జున విషాద యోగము...శ్లోక11-20

అయనేషు చ సర్వేషు యథాభాగ మవస్థితాః/
భీష్మమేవాభి రక్షంతు భవంత స్సర్వ ఏవ హి//(11)
తస్య సంజనయన్ హర్షం కురువృద్ధః పితామహః/
సింహనాదం వినద్యోచ్చైః శంఖం దధ్మౌ ప్రతాపవాన్//(12)
తతఃశంఖాశ్చ భేర్యశ్చ పణవానక గోముఖాః/
సహసైవాభ్యహన్యంత స శబ్ద స్తుములోభవత్//(13)
తతః శ్వేతైర్హయైర్యుక్తే మహత్మ స్యందనే స్థితౌ/
మాధవః పాండవశ్చైవ దివ్యౌ శంఖౌ ప్రదధ్మతుః//(14)
పాంచజన్యం హృషీకేశో దేవదత్తం ధనంజయః/
పౌండ్రం దధ్మౌ మహాశంఖం భీమకర్మా వృకోదరః//(15)
అనంత విజయం రాజా కుంతీపుత్రో యుధిష్టిరః/
నకులః సహదేవశ్చ సుఘోష మణి పుష్పకౌ//(16)
కాశ్యశ్చ పరమేష్వాసః  శిఖండీ చ మహారథః/
ధృష్టద్యుమ్నో విరాటశ్చసాత్యకిశ్చా పరాజితః//(17)
ద్రుపదోద్రౌపదేయాశ్చ సర్వశః పృథివీపతే/
సౌభద్రశ్చ మహాబాహుః శంఖాన్ దధ్ముః పృథక్ పృథక్//(18)
స ఘోషో ధార్తరాష్ట్రాణాం హృదయాని వ్యదారయత్/
నభశ్చ పృథివీం చైవ తుములో. ేయనునాదయన్//(19)
అథ వ్యవస్థితాన్ దృష్ట్వా ధార్తరాష్ట్రాన్ కపిధ్వజః/
ప్రవృత్తే శస్త్ర సంపాతే ధనురుద్యమ్య పాండవః//(20)
హృషీకేశం తదా వాక్యం ఇదమాహ మహీపతే!

అర్జున విషాదయోగము శ్లోక1-10

ధృతరాష్ట్ర ఉవాచ....
ధర్మక్షేత్రే కురుక్షేత్రే సమవేతా యుయుత్సవః/
మామకాః పాండవశ్చైవ కిమకుర్వత సంజయ//(1)

సంజయ ఉవాచ....
దృష్ట్వాతు పాండవానీకం వ్యూఢం దుర్యోధనస్తదా/
ఆచార్య ముపసంగమ్య రాజా వచనమబ్రవీత్//(2)

పశ్యైతాం పాండుపుత్రాణాం ఆచార్య మహతీంచమూమ్/
వ్యూఢాం ద్రుపదపుత్రేణ తవ శిష్యేణ ధీమతా//(3)

అత్రశూరా మహేష్వాసా భీమార్జున సమాయుధి/
 యుయుధానో విరాటశ్చ ద్రుపదశ్చ మహారధః//(4)

ధృష్టకేతు శ్చేకితానః కాశీరాజశ్చ వీర్యవాన్/
పురుజిత్కుంతి భోజశ్చ శైబ్యశ్చ నరపుంగవః//(5)

యుధామన్యుశ్చ విక్రాంత ఉత్తమౌజాశ్చవీర్యవాన్/
సౌభద్రో ద్రౌపదేయాశ్చ సర్వ ఏవ మహారధాః//(6)

అస్మాకం తు విశిష్టా యే తాన్నిబోధ ద్విజోత్తమ/
నాయకామమ సైన్యస్య సంజ్ఞార్ధం తాన్ బ్రవీమితే//(7)

భవాన్ భీష్మశ్చ కర్ణశ్చ కృపశ్చ సమితింజయః/
అశ్వత్ధామా వికర్ణశ్చ సౌమదత్తి స్తథైవచ//(8)

అన్యే చ బహవ శ్శూరాః మదర్థే త్యక్తజీవితాః/
నానాశస్త్ర ప్రహరణాః సర్వే యుద్ధవిశారదాః//(9)

అపర్యాప్తం తదస్మాకం బలం భీష్మాభిరక్షితం/
పర్యాప్తం త్విదమేతేషాం బలం భీమాభిరక్షితం//(10)

భగవద్గీతా మాహాత్మ్యము

ధరో ఉవాచ
భగవన్ పరమేశాన భక్తి రవ్యభిచారిణీ/
ప్రారబ్ధం భుజ్యమానస్య కధం భవతి హే ప్రభో//
విష్ణురువాచ..
ప్రారబ్ధం భుజ్యమానోపి,గీతాభ్యాసరతస్సదా/
సముక్తస్ససుఖీ లోకే కర్మణానోపలిప్యతే//
మహాపాపాది పాపాని గీతాధ్యానం కరోతి చేత్/
క్వచిత్ స్పర్శం న కుర్వంతి నళినీదళ మంభసా//
గీతాయాః పుస్తకం యత్ర యత్ర పాఠః ప్రవర్తతే/
తత్ర సర్వాణి తీర్ధాని ప్రయాగాదీని తత్ర వై//
సర్వేదేవాశ్చ ఋషయో యోగినః పన్నగాశ్చయే/
గోపాలా గోపికావాపి నారదోద్ధవ పార్షదైః//
సహాయోజాయతే శీఘ్రం యత్ర గీతా ప్రవర్తతే//
యత్రగీతా విచారశ్చ పఠనం పాఠనం శ్రుతి/
తత్రాహం నిశ్చితం పృధ్వి నివసామి సదైవహి//
గీతాశ్రయోహం తిష్ఠామి గీతామేచోత్తమం గృహం/
గీతాజ్ఞానముపాశ్రిత్య త్రీన్ లోకాన్పాలయామ్యహం//
గీతామేపరమా విద్యా బ్రహ్మరూపా న సంశయః/
అర్ధమాత్రాక్షరానిత్యా స్వనిర్వాచ్యపదాత్మికా//
చిదానందేన కృష్ణేన ప్రోక్తా స్వముఖతోర్జునం/
వేదత్రయీ పరానందాతత్త్వార్ధ జ్ఞానమంజసా //
యోష్టాదశ జపేన్నిత్యం నరోనిశ్చల మానసః/
జ్ఞానసిద్ధిం స లభతే తతో యాతి పరం పదం//
పాఠే అసమర్ధ స్సంపూర్ణే తదర్ధం పాఠమాచరేత్/
తదా గోదానజం పుణ్యం లభతే నాత్ర సంశయః//
త్రిభాగం పఠమానస్తు గంగా స్నానఫలం లభేత్/
షడంశం జపమానస్తు సోమయాగఫలం లభేత్//
ఏకాధ్యాయం తు యో నిత్యం పఠతే భక్తి సంయుతః/
రుద్ర లోకమవాప్నోతి గణోభూత్వా వసేచ్చిరమ్//
అధ్యాయ శ్లోకపాదం వా నిత్యం యః పఠేత్ నరః/
సయాతి నరతాం యావన్మనుకాలం వసుంధరే//
గీతాయాః శ్లోక దశకం సప్త పంచ చతుష్టయం/
దౌత్రీనేకం తదర్ధం వా శ్లోకానాం యః పఠేన్నరః//
చంద్రలోకమవాప్నోతి వరషాణామయుతం థృవమ్/
గీతాపాఠ సమాయుక్తోమృతో మానుషతాం వ్రజేత్//
గీతాభ్యాసం పునః కృత్వా లభతే ముక్తిముత్తమామ్/
గీతేత్యుత్తచ్చారసంయుక్తో  మ్రియమాణో గతిం లభేత్//
గీతార్ధశ్రవణాసక్తో మహాపాప యుతోపి వా/
వైకుంఠం సమవాప్నోతి విష్ణునాసహ మోదతే//
గీతార్ధంధ్యాయతే నిత్యం కృత్వా కర్మాణి భూరిశః/
జీవన్ముక్తస్స విజ్ఞేయో దేహాన్తే పరమం పదమ్//
గీతా  మా శ్రిత్య బహవో భూభుజో జనకాదయః/
నిర్ధూతకల్మషా లోకే గీతా యాతాః పరం పదమ్//
గీతాయాః పఠనం కృత్వా మాహాత్మ్యం నైవ యః పఠేత్/
వృధాపాఠో భవేత్ తస్య శ్రమ ఏవ హ్యుదాహృతః//
ఏతాన్మాహాత్మ్య సంయుక్తం గీతాభ్యాసం కరోతి యః/
స తత్ఫల మవాప్నోతి దుర్లభాం గతి మాప్నుయాత్//
సూత ఉవాచ...
మాహాత్మ్యమేతద్గీతాయా మయా ప్రోక్తం సనాతనమ్/
గీతాన్తే చ పఠేద్యస్తు యదుక్తం తత్ఫలం  లభేత్//
ఓం ఇతి శ్రీ వరాహపురాణే గీతామాహాత్మ్యం సంపూర్ణమ్//

శ్రీ గీతా ధ్యానము

పార్ధాయ ప్రతిబోధితాం భగవతా నారాయణేన స్వయం/
వ్యాసేన గ్రధితాం పురాణమునినా మధ్యే మహాభారతమ్//

అద్వైతామృత వర్షిణీం భగవతీ మష్టాదశాధ్యాయినీం/
అమ్బత్వామనుసందధామి భగవద్గీతే భవధ్వేషిణీమ్//

గీతాకల్ప తరుం భజే భగవతా కృష్ణేన సంరోపితమ్/
వేదవ్యాస వివర్జితం శ్రుతిశిరోబీజం ప్రబోధాంకురమ్//

నానాశాస్త్ర రహస్యశాఖ మరతిక్షాన్తి ప్రవాలాంకితమ్/
కృష్ణాంఘ్రిద్వయ భక్తి పుష్పసురభిం మోక్షప్రదం జ్ఞానినామ్//

సంసార సాగరం ఘోరం తర్తుమిచ్ఛతి యో నరః/
గీతానావం సమాసాద్య పారం యాతి సుఖేన సః//

సర్వోపనిషదో గావో దోగ్ధా గోపాల నన్దనః/
పార్ధో వత్సః సుధీర్భోక్తా దుగ్ధం గీతామృతం మహత్//

శ్రీ వ్యాస ధ్యానము

శ్రీ వ్యాస ధ్యానము
నమోస్తుతే వ్యాస విశాలబుద్ధే ఫుల్లారవిందాయత పత్రనేత్ర/
యేన త్వయా భారత తైలపూర్ణః ప్రజ్వాలితో జ్ఞానమయః ప్రదీపః//

శ్రీకృష్ణ ధ్యానము

ఓం ప్రపన్న పారిజాతాయ తోత్రవేత్రైక పాణయే/
జ్ఞాన ముద్రాయకృష్ణాయ గీతామృత దిగే నమః//

వసుదేవసుతం దేవం కంసచాణూర మర్దనం/
దేవకీ పరమానందం కృష్ణం వందే జగద్గురుం//

భీష్మద్రోణ తటా జయద్రధజలా గాంధార నీలోత్పలా/
శల్యగ్రాహవతీ కృపేణ వహనీ కర్ణేన వేలాకులా//

అశ్వద్ధామ వికర్ణఘోరమకరా దుర్యోధనావర్తినీ/
సోత్తీర్ణాఖలు పాండవైరణనదీ కైవర్తకఃకేశవః//

మూకంకరోతి వాచాలం పంఘుంలంఘయతే గిరిం/
యత్కృపా తమహం వందే పరమానంద మాధవం//

యం బ్రహ్మా వరుణేంద్రరుద్రమరుతః స్తువ్యంతిదివ్యైః స్తవైః/
వేదైస్సాంగ పదక్రమోపనిషదైర్గాయంతి సామగాః//

ధ్యానావస్ధిత తద్గతేన మనసా పశ్యంతి యం యోగినో/
యస్యాంతం న విదుః  సురాసురగణాః దేవాయతస్మైనమః//

మహాభారత ధ్యానము

మహాభారత ధ్యానము

పారాశర్య వచః సరోజమమలం గీతార్ధగంధోత్కటం

నానాఖ్యానక కేసరం హరికథా సంబోధనాబోధితం/

లోకేసజ్జన షట్పదైరహరహః పేపీయమానం ముదా

భూయాద్భారత పంకజం కలిమలప్రధ్వంసినః శ్రేయసే//

శ్రీ భగవద్గీతా పారాయణ క్రమః

ఓం శుక్లాంబరధరం విష్ణుం శశివర్ణం చతుర్భుజం/

ప్రసన్నవదనం ధ్యాయేత్ సర్వ విఘ్నోపశాంతయే//

ఓం అఖండ మండలాకారం వ్యాప్తం యేన చరాచరం/

తత్పదం దర్శితం యేన తస్మై శ్రీగురవేనమః//

ఓం కృష్ణం కమలపత్రాక్షం పుణ్యశ్రవణ కీర్తనం/

వాసుదేవం జగద్యోనిం  నౌమి నారాయణం హరిం//

ఓం నారాయణం నమస్కృత్య నరంచైవ నరోత్తమం/

దేవీంసరస్వతీం వ్యాసం తతో జయముదీరయేత్//

ఓం వ్యాసం వశిష్ట నఫ్తారం శక్తేః పౌత్ర మకల్మషం/

పరాశరాత్మజం వందే శుకతాతం తపోనిధిం//

గీతా గంగాచ గాయత్రీ

గీతా గంగా చ గాయత్రీ సీతా సత్యా సరస్వతీ /
బ్రహ్మ విద్యా బ్రహ్మవల్లీ త్రిసంధ్యా ముక్తి గేహినీ//

అర్ధమాత్రా చిదానందా భవఘ్నీభ్రాన్తినాశినీ/
వేదత్రయీ పరానన్తా తత్వార్ధ జ్ఞానమంజరీ//

ఇత్యేతాని జపేన్నిత్యం నరో నిశ్చలమానసః/
జ్ఞానసిద్థిం లభే చ్ఛీఘ్రం తధాన్తే పరమం పదం//