సాంఖ్య యోగము శ్లోక31-40

 స్వధర్మమపి చావేక్ష్య న వికమ్పితుమర్హసి/
ధర్మ్యాద్ధి యుద్ధాచ్ఛృేయోఽన్యత్ క్షత్రియస్య న విద్యతే//31//
యదృచ్ఛయా చోపపన్నం స్వర్గద్వారమపావృతమ్/
సుఖినః క్షత్రియాః పార్ధ లభంతే యుద్ధమీదృశమ్//32//
అధ చేత్ త్వమిమం ధర్మ్యం సంగ్రామం  న కరిష్యసి/
తతస్స్వధర్మం కీర్తిం చ హిత్వా పాపమవాప్స్యసి//33//
అకీర్తిం చాపి భూతాని కథయిష్యంతి తేఽవ్యయాం/
సంభావితస్య చాకీర్తిః మరణాదతిరిచ్యతే//34//
భయాద్రణాదుపరతం మంస్యన్తే త్వాం మహారథాః/
యేషాం చ త్వం బహుమతో భూత్వా యాస్యసి లాఘవమ్//35//
అవాచ్య వాదాంశ్చ బహూన్ వదిష్యంతి తవాహితాః/
నిందంతస్తవ సామర్థ్యం తతో దుఃఖతరం ను కిమ్//36//
హతో వా ప్రాప్స్యసి స్వర్గం జిత్వా వా భోక్ష్యసే మహీమ్/
తస్మాదుత్తిష్ఠ కౌన్తేయ యుద్ధాయ కృతనిశ్చయః//37//
సుఖదుఃఖే సమే కృత్వా లాభా లాభౌ జయాజయౌ/
తతో యుద్ధాయ యుజ్యస్వ నైవం పాపమవాప్స్యసి//38//
ఏషా తేఽభిహితా సాంఖ్యే బుద్ధిర్యోగే త్విమాం శృణు/
బుద్ధ్యా యుక్తో యయా పార్థ కర్మ బంధం ప్రహాస్యసి//39//
నేహాభిక్రమనాశోఽస్తి ప్రత్యవాయో న విద్యతే/
స్వల్పమప్యస్య ధర్మస్య త్రాయతే మహతో భయాత్//40//