భక్తి యోగము. శ్లోక11-20

అథైతదప్యశక్తోఽసి కర్తుం మద్యోగమాశ్రితః/

సర్వకర్మ ఫలత్యాగం తతః కురు యతాత్మవాన్//11//

శ్రేయో హి జ్ఞానమభ్యాసాత్ జ్ఞానాద్ధ్యానం విశిష్యతే/

ధ్యానాత్ కర్మఫలత్యాగః త్యాగాత్ శాంతిరనంతరమ్//12//

అద్వేష్టా సర్వభూతానాం మైత్రః కరుణ ఏవ చ/

నిర్మమో నిరహంకారః సమదుఃఖసుఖః క్షమీ//13//

సంతుష్టస్సతతం యోగీ యతాత్మా దృఢనిశ్చయః/

మయ్యర్పిత మనోబుద్ధిః యో మద్భక్తస్స మే ప్రియః//14//

యస్మాన్నోద్విజతే లోకో లోకాన్నోద్విజతే చ యః/

హర్షమర్షభయోద్వేగైః ముక్తో యః స చ మే ప్రియః//15//

అనపేక్షః శుచిర్దక్షః ఉదాసినో గతవ్యథః/

సర్వారంభపరిత్యాగీ యో మద్భక్తస్స మే ప్రియః//16//

యో న హృష్యతి న ద్వేష్టి న శోచతి న కాంక్షతి/

శుభాశుభపరిత్యాగీ భక్తిమాన్ యస్స మే ప్రియః//17//

సమశ్శత్రౌ చ మిత్రే చ తథా మానావమానయోః/

శీతోష్ణసుఖధుఃఖేషు సమస్సంగ వివర్జితః//18//

తుల్యనిందాస్తుతిర్మౌనీ సంతుష్టో యేన కేనచిత్/

అనికేతః స్థిరమతిః భక్తిమాన్ మే ప్రియో నరః//19//

యే తు ధర్మ్యామృతమిదం యథోక్తం పర్యుపాసతే/

శ్రద్ధధానా మత్పరమా భక్తాస్తేఽతీవ మే ప్రియాః//20//

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జునసంవాదే భక్తియోగో నామ ద్వాదశోఽధ్యాయః॥